თუ რომელიმე რაიონში მეორე ტური დაინიშნება, ტრაგედია არ იქნება,– ამის შესახებ საქართველოს პრემიერ-მინისტრმა,  ირაკლი ღარიბაშვილმა საარჩევნო უბანზე ხმის მიცემის შემდეგ განაცხადა. 

ანაკლიის 32–ე უბანზე საარჩევნო პროცესი ჩაიშალა. საარჩევნო უბანზე უგზო–უკვლოდ დაკარგული გოგიტა აბულაძის ოჯახის წევრები შეიჭრნენ და საარჩევნო ინვენტარი დააზიანეს.

მთაწმინდის საარჩევნო ოლქის ნომერ მეექვსე საარჩევნო უბანზე საქართველოს პრეზიდენტმა  გიორგი მარგველაშვილმა პირველმა მისცა ხმა და შესაბამისად, როგორც პირველი ამომრჩეველი ჩანაწერთა წიგნშიც დაფიქსირდა. 

"თავისუფლებისა და მხარდაჭერის ცენტრმა" მოამზადა დოკუმენტური ფილმი, სადაც პროკურატურის მხრიდან თავდაცვისა და შს ყოფილი მინისტრის ბაჩო ახალაიას მიმართ პროკურატურის მიერ წაყენებული ბრალდებების აბსურდულობაზეა აქცენტი გაკეთებული.

დღეს, გვიან ღამით ვარკეთილში გამოჩნდა „ნაციონალური მოძრაობის“ საწინააღმდეგო პლაკატები, სადაც ციფრი ხუთია გამოსახული და დატანილია გველის წიწილის ფოტოკოლაჟი. ინფორმაციას და ფოტოს „დროანიუსი“ ავრცელებს.

პრეზიდენტის ყოფილმა მრჩეველმა თანამდებობიდან წასვლის შესახებ პირველი კომენტარი გააკეთა და აღნიშნა, რომ ხელისუფლებაშიც საგარეო ურთიერთობათა მრჩევლად გიორგი მარგველაშვილის თხოვნით მივიდა.

„როცა მე ბატონ ბიძინას პირველად შევხვდი და მის პასპორტს ჩავხედე, გაოცებული დავრჩი, რადგან ის 5 წლის განმავლობაში გასული არ იყო ქვეყნიდან და როცა ვკითხე, დასასვენებლად მაინც არ წასულხართ, ბატონო ბიძინა-მეთქი, მიპასუხა, არსად არ მინდა, ჩემი ქვეყნის გარდაო“. - გაიხსენა ეკა ბესელიამ „რეაქციაში“.

„რუსთავი-2“-ის გადაცემაში საქართველოს პრეზიდენტის ყოფილმა მრჩეველმა ვანო მაჭავარიანმა დაადასტურა, რომ გადადგომის შესახებ გადაწყვეტილება პირადად გიორგი მარგველაშვილის თხოვნით მიიღო.

გადაცემაში „რეაქცია“ ნინო ბურჯანაძემ განაცხადა, რომ მან 2011 წელს კახა კალაძეს პირადად შესთავაზა ხალხის გვერდით დადგომა, მაგრამ მისგან მივიღე პასუხი, რომ ბიზნესი აინტერესებს და არა პოლიტიკა.

დღეს "ერთიანი ნაციონალური მოძრაობის" ერთ-ერთმა ლიდერმა, გიორგი ვაშაძემ, მარტვილის გამგებლობის კანდიდატ მამუკა დანელიასა და მარტვილის მუნიციპალიტეტის საკრებულოს თავმჯდომარე ზაალ გოროზიასთან ერთად, ადგილობრივ მოსახლეობასთან წინასაარჩევნო შეხვედრა გამართა.