საქართველოს პრემიერ-მინისტრის, ირაკლი ღარიბაშვილის განცხადებით, გაერო-ში კლიმატის ცვლილებების შესახებ სამიტზე დელეგაციას თვითონ უხელმძღვანელებს,–ამის შესახებ მან დღეს განაცხადა.
"თვეების წინ ამ საკითხზე მთავრობამ იმსჯელა, გადაწყდა, რომ ვინაიდან მთავრობა და ამ შემთხვევაში პრემიერი არის აღმასრულებელი ხელისუფლების ხელმძღვანელი, გაერო-ს სამიტზე გაემგზავრება პრემიერ-მინისტრი ანუ მე.
შედგენილი არის დელეგაცია, არის გასაზღვრული მისი წევრები. თვეების წინ ჩვენ დავადასტურეთ ყველაფერი, ამიტომ მე ამაში რაიმე კითხვას ვერ ვხედავ", - განაცხადა პრემიერმა.