ტელეკომპანია „რუსთავი 2“-ის გენერალური დირექტორი, ნიკა გვარამია მთავრობას ყელის გამოღადვრით ემუქრება.
„ჩემი დამოკიდებულება, ვფიქრობ, ბუნებრივია და ეს არაა მედიამენეჯერის, ან ყოფილი მთავრობის წევრის დამოკიდებულება.
ესაა საქართველოს მოქალაქის დამოკიდებულება, რომელიც უბრალოდ შეშფოთებულია იმით, რაც ხდება. მყავს შვილები და მინდა, რომ მათ მშვიდ გარემოში იცხოვრონ. არ იყვნენ მუდმივად საფრთხის ქვეშ. ცხადია, პირველ რიგში, მათზე ვფიქრობ, მაგრამ არა მხოლოდ მათზე.
ვფიქრობ საკუთარ თავზე, მეუღლეზე, მეგობრებზე, მეზობლებზე, თანამოქალაქეებზე. ეს შეშფოთება ბუნებრივია და მარტო მე კი არა, საზოგადოებაა შეშფოთებული, ზოგი გამოვხატავთ, ზოგი ნაკლებად გამოხატავს, ვიღაც საერთოდ არ გამოხატავს, მაგრამ ფონი რომ მძიმეა, ფაქტია.
გამოსავალი იმ ადამიანების ცვლილებაშია, ვისი პირდაპირი პასუხისმგებლობაცაა კრიმინალური ფონის რეგულირება.
თავის დროზე, ცოცხები ინსცენირება იყო ნამდვილად და ეს ფაქტია. თუმცა ციხის კადრებში ბევრად უფრო მძიმე კადრები იყო - იგივე „კარანტინის“. როგორც ჩანს, ეს პროცესები განვითარდა 2009 წლის შემდეგ, როდესაც სისტემა დეგრადირდა და მნიშვნელოვნად დაზიანდა.
მანამდე არავითარი მსგავსი ფაქტი არ ყოფილა. შეიძლება იყო ეპიზოდური დარღვევები, მაგრამ ასეთი მნიშვნელობისა და ასეთი მასშტაბური პრობლემები არ იყო“, - აღნიშნა ნიკა გვარამიამ.
„ქრონიკა +“