2014-09-09 10:45

მომღერალი ნინა სუბლატი ამბობს, რომ სამომავლოდ კონკურსებში მონაწილეობას არ მიიღებს, რადგან ისევ დეპრესია დაემართება

. 

„საქართველოს ვარსკვლავი“ რომ დამთავრდა, სიმღერა აღარ მინდოდა. მთელი ხუთი თვე დეპრესია მქონდა, იმხელა სტრესი მივიღე. როცა შენ შრომობ, თავს არ ზოგავ და ხვდები, რომ ვიღაც-ვიღაცეებზეა შენი ბედი დამოკიდებული და არა შენს ნაშრომებზე, ეს ძალიან რთულია, დეპრესიამდე მიჰყავს ადამიანი და ამ მდგომარეობიდან გამოძრომა ძალიან ძნელია.

„წიხლქვეშ გავარდნილივით“ ვგრძნობდი თავს კონკურსისი მერე, დეპრესიაც დამეწყო, მაგრამ, ეს არავის შეუმჩნევია. წარმოიდგინეთ, დღეები „დუღს“, ყველა შენზე ლაპარაკობს, გიყურებს და ერთ დღესაც, ეს ყველაფერი მთავრდება და ჩუმდება, ეს სიტუაცია შემოქმედებითი ადამიანისთვის რთულია, ამიტომ, გადავწყვიტე, რომ კონკურსებში მონაწილეობა აღარ მივიღო“, - განუცხადა ნინა სუბლატმა „თბილისლებს“.