დედებისა და ქალიშვილების ურთიერთობის ბევრნაირი "მოდელი" არსებობს.
დედა იშვიათად არის მხოლოდ დედა, ხშირად ის დაქალის როლსაც ითავსებს.
ზოგიერთების ურთიერთობა კი უფრო შორსაც მიდის.
როგორი შეიძლება იყოს დედა:
ვარსკვლავი - საკუთარი თავით მეტისმეტად გატაცებული და დაკავებულია. მის ქალიშვილს სითბო ხშირად აკლია. სამაგიეროდ, მისთვის დედა დიდი ავტორიტეტია. ასთი დედის ქალიშვილები დედის ჩრდილები ხდებიან, დედების გვერდით მათ თითქმის ვეღარავინ ამჩნევს.
დაქალი - თავადაც ბავშვის ჭკუა აქვს და ზომიერების გრძნობა ღალატობს. ქალიშვილს უფროსი ადამიანის გამოცდილი რჩევები აკლია.
პოლიციელი - ვერაფრით ეგუება, რომ მისი ბავშვი გაიზარდა და სულ დედის ჭკუაზე ვერ ივლის. შვილს ისევე ექცევა, როგოც პატარა ბავშვს და სიცოცხლის ბოლომდე ცდილობს, აკონტროლოს მისი ცხოვრება. მუდამ ამტკიცებს, რომ მის ქალიშვილს დედის გარეშე ნაბიჯის გადადგმაც არ შეუძლა.
ასეთი დედის შვილები ხშირად ერთგვარ "კოპირებას" ახდენენ და მოგვიანებით თავადაც "გენერლები" არიან ოჯახში.
მსხვერპლი - არ აღიარებს, მაგრამ საკუთარი თავი ძალიან ეცოდება. იტანჯება მისი ქალიშვილიცა და მთელი ოჯახიც, რომელსაც უმადურებს ეძახის.
მარტოხელა - ცდილობს დედაც იყოს და მამაც. ძალიან ბევრს იღებს საკუთარ თავზე, თუმცა სრულფასოვნად ბევრ რამეს ვერ ართმევს თავს.
თავდადებული - მზადაა ყველაფერი გააკეთოს შვილის ნაცვლად. როგორც ბავშვობაში, ასევე მოზრდილობაში. საკუთარი ცხოვრება არა აქვს. ქალიშვილის ცხოვრებაც ჰყოფნის.
უფროსი მეგობარი - ახერხებს, რომ ქალიშვილის ნდობაც მოიპოვოს, მაგრამ თან საჭირო მიმართულებაც მისცეს. გოგონები ასეთ დედას არაფერს უმალავენ და არც მნიშვნელოვან გადაწყვეტილებებს იღებენ მის გარეშე.
mshoblebi.ge
