2014-07-14 19:19

გიგი უგულავას საქმეზე საქალაქო სასამართლომ პროკურატურის არცერთი შუამდგომლობა არ დააკმაყოფილა.

ბრალდების მხარე “თბილისის განვითარების ფონდის” საქმეზე დედაქალაქის ყოფილი მერისთვის გირაოს პატიმრობით შეცვლას ითხოვდა, ასევე ითხოვდნენ უგულავას სიდედრის ბინა, რომელიც გიგი უგულავასთვის დაკისრებული 50 000 ლარიანი გირაოს სანაცვლოდ არის ჩადებული, სახელმწიფო საკუთრებაში გადაცემულიყო.

ბრალდების მხარემ გირაოს პატიმრობით შეცვლა  იმ მიზეზით მოითხოვა, რომ  მათი თქმით, გიგი უგულავამ აღკვეთის ღონისძიების პირობები დაარღვია.

მოსამართლემ პროკურატურის ეს შუამდგომლობა დაუსაბუთებლად მიიჩნია და განაცხადა, რომ უგულავა ისედაც წინასწარ პატიმრობაშია და მისთვის დამატებით პატიმრობის შეფარდება საჭირო არაა.

 “თბილისის განვითარების ფონდის” საქმეზე მომდევნო პროცესი 18 ივლისს გაიმართება.