დუბაური აქლემი მსოფლიოს ჩემპიონატის ერთ-ერთი მნიშვნელოვანი ფიგურაა.
მართალია წინასწარმეტყველი რვაფეხასავით მაღალი ნდობის კოეფიციენტით ვერ სარგებლობს, მაგრამ მისი პროგნოზები მაინც საინტერესოა.
აქლემმა “მუნდიალის” პროგნოზების გამოცნობა წარმატებულად დაიწყო. მან ჯგუფური ეტაპის რამდენიმე მატჩი იწინასწარმეტყველა: გახსნით შეხვედრაში ბრაზილიისა და ხორვატიის გამარჯვებულის ვინაობა, არგენტინისა და ბოსნია ჰერცოგოვინას შედეგი, იტალია და ინგლისი, ესპანეთი-ჰოლანდია და კიდევ რამდენიმე, მაგრამ შემდეგ აღარ უმართლებდა.
საერთო ჯამში, აქლემს 27 შეხვედრაში სთხოვეს პროგნოზის გაკეთება და აქედან 17 მატჩის შედეგი გამოიცნო.
აღსანიშნავია, რომ მან ფინალისტი არგენტინის მატჩების შედეგი წარმატებით იწინასწარეტყველა, რასაც ვერ ვიტყვით მეორე ფინალისტ გერმანიის ნაკრებზე.
აქლემი უფრო ხშირად გერმანელების წინააღმდეგ აკეთებდა ფსონს, მაგრამ ზუსტად ამ შემთხვევაში ცდებოდა. ფინალური მატჩის წინ მან ახლა არგენტინის ნაკრების გაჩემპიონება იწინასწარმეტყველა.
