თბილისის ახლად არჩეული საკრებულო პირველ სხდომას 14 ივლისს თავისუფლების მოედანზე, საკრებულოს ისტორიულ დარბაზში გამართავს.
კანონის თანახმად, სხდომამ საკრებულოს თავმჯდომარე და პირველი მოადგილე უნდა აირჩიოს. ამასთან, საკრებულოს წევრებს შეუძლიათ, კიდევ ორი მოადგილე და კომისიების თავმჯდომარეები მათი სურვილის შემთხვევაში შემდეგ სხდომაზეც აირჩიონ.
არსებული ინფორმაციით, თბილისის საკრებულოს თავმჯდომარე "ქართული ოცნების" საარჩევნო სიის მესამე ნომერი გიორგი ალიბეგაშვილი გახდება.
თბილისის ახალ საკრებულოში "ნაციონალური მოძრაობას" 7 დეპუტატი ეყოლება. კოალიცია "ქართულ ოცნებას" პროპორციული სიით 13, ხოლო მაჟორიტარული სიით 24 წევრი ეყოლება. სხვა საარჩევნო სუბიექტებიდან პროპორციული სიით თბილისის საკრებულოში ნინო ბურჯანაძის პარტიის სამი და "დავით თარხან მოურავი _ პატრიოტთა ალიანსიდან" ორი წევრი მოხვდა.