ტელეწამყვან და ჟურნალისტ მაია ასათიანსა და ირაკი მახვილაძეს სამძიმარსა და თანადგომას უცხადებს მედიაჰოლდინგი "აფხაზეთის ხმა". ნინო ჩხეიძის სახელით ხელმოწერილ განცხადებაში აღნიშნულია, რომ ამ უმძიმეს წუთებში "აფხაზეთის ხმა", ისევე როგორც მედიის უდიდესი ნაწილი, ისევ სოლიდარულია "რუსთავი-2"-ის მიმართ.
"ჩვენი მედიასაშუალებების უკლებლივ ყველა თანამშორმლის სახელით, ამ მძიმე წუთებში სოლიდარობასა და თანადგომას ვუცხადებთ მაია ასათიანს, ირაკლი მახვილაძესა და სრულიად "რუსთავი-2"-ს, ძალიან ვწუხვართ, რომ ეს სოლიდარობა ამჯერად სულ სხვა, ადამიანური, უმძიმესი ტრაგედიითაა გამოწვეული.
ძალიან ძნელია, ასეთ დროს სანუგეშო სიტყვები იპოვო თავზარდაცემული მშობლებისთვის. გამძლეობას ვუსურვებთ მაიას, ირაკლის, მათსა და ნუცას მეგობრებს, მთლიანად, "რუსთავი-2"-ის კოლექტივს" - ნათქვამია მედიაჰოლდინგ "აფხაზეთის ხმის" ოფიციალურ განცხადებაში.