2014-07-11 16:54

ჯგუფ „ბანის“ მიერ  უკანალებზე შესრულებულმა „რაჭულმა“  საზოგადოებაში ერთმნიშვნელოვნად  უარყოფოთი დამოკიდებულება გამოიწვია.

განსაკუთრებული აგრესია „ბანის“ შემსრულებლებმა დაიმსახურეს „საცოდავი“ გოგონების უკანალის აჭრელებისთვის.

თუმცა, როგორც ირკვევა, თავად გოგონები პროცესითაც და შედეგითაც კმაყოფილნი არიან. შოუს ერთ-ერთი მონაწილე  მარი ბაბეტა აცხადებს, რომ მან მართალია თანხა აიღო, თუმცა შემოთავაზებაზე მხოლოდ ფულის გამო არ დათანხმებულა.

„მე თვითონ ვიხალისე იქ გამოსვლით და არანაირად არ ვთვლი, რომ ეს გამოსვლა იყო ქალებისთვის შეურაცხმყოფელი. ჩვეულებრივი სახალისო ნომერია, ჩვეულებრივი შოუა. მართალია საქართველოს ჩარჩოებს გასცდა, მაგრამ ვფიქრობ, რომ შოუ შედგა.

ჩემთვის ეს იყო საინტერესო და ახალი, რომელშიც დიდი სიამოვნებით მივიღე მონაწილეობა. მე ჩემს თავს არ ვთვლი შეურაცხყოფილად და სხვა რატომ ლაპარაკობს ჩემს მაგივრად. თუ თავად გრძნობენ თავს შეურაცხყოფილად, ეს მათი პრობლემაა. მგონია, რომ სისულელეს იძახიან. საერთოდ რა შუაშია ქალის უფლებები შოუსთან დაკავშირებით.

მე ქუჩაში ჩვეულებრივად გავდივარ და არავინ მლანძღავს, არც მე ვგრძნობ თავს შეურაცხყოფილად და სხვები რატომ გრძნობენ ვერ ვხვდები. კიდევ თუ იქნება მსგავსი შემოთავაზება ასეთ შოუებში, ისევ დავთანხმდები და მივიღებ კიდეც მონაწილეობას“, - განაცხადა მარი ბაბეტამ.

http://pirveliradio.ge/index.php?newsid=29381