2014-06-29 22:11

თვითმმართველობის არჩევნების განმეორებით კენჭისყრაში ამომრჩეველთა 36,63%-მა (5 112) მიიღო მონაწილეობა. ამის შესახებ ცენტრალურ საარჩევნო კომისიაში გამართულ ბრიფინგზე ცესკოს სპიკერმა ეკა აზარაშვილმა განაცხადა.

მან მადლობა გადაუხადა ამომრჩევლებს და არჩევნებში ჩართულ ყველა მხარეს საარჩევნო პროცესის მშვიდ გარემოში წარმართვისთვის. 

საარჩევნო უბნები 20:00 საათზე დაიხურა და კომისიის წევრებმა უკვე დაიწყეს ამომრჩეველთა ხმების დათვლის პროცესი. ცესკოს მონაცემებით, 29 ივნისის განმეორებით კენჭისყრაში ამომრჩეველთა 36,63%-მა (5 112) მიიღო მონაწილეობა.

ყველაზე მაღალი აქტივობით ხონის (76,69%), ტყიბულისა (47,5%) და ზუგდიდის (46,14%) ოლქების საარჩევნო უბნები გამოირჩეოდა. საარჩევნო პროცესი მშვიდ ვითარებაში, მნიშვნელოვანი დარღვევების გარეშე მიმდინარეობდა, პროცედურული ხარვეზების უმეტესობა კი ადგილზე აღმოიფხვრა. 

განმეორებითი კენჭისყრა სულ 9 ოლქის 14 უბანში ჩატარდა.