ევროპელმა კოლეგებმა ვერ შეძლეს დაედასტურებინათ ასოცირების ხელშეკრულების უპირატესობა "აღმოსავლეთ პარტნიორობის" წევრი ქვეყნებისა და რუსეთისთვის. ამის შესახებ საუბარია რუსეთის საგარეო საქმეთა სამინისტროს მიერ გუშინ გავრცელებულ კომენტარში, რომელიც უწყების ოფიციალურ ვებგვერდზეა განთავსებული.
უწყების ცნობით, იანვარში, ევროკავშირ-რუსეთის სამიტზე მიღებული შეთანხმების შედეგად ევროკავშირთან კონსულტაციები მიმდინარეობს იმ ეკონომიკურ შედეგებთან დაკავშირებით, რაც ასოცირების ხელშეკრულებას მოჰყვება.
"16 ივნისს ამ შეხვედრის მეორე რაუნდი გაიმართა, რომელზეც კიდევ ერთხელ დავაფიქსირეთ ჩვენი შეშფოთება. კვლავაც მივიჩნევთ, რომ ასოცირების ხელშეკრულების გაფორმებამ უკრაინასთან, მოლდოვასა და საქართველოსთან შეუძლება ზიანი მიაყენოს რუსეთის ეკონომიკას მეზობელ ქვეყნებთან სავაჭრო-ეკონომიკური ურთიერთოებების გაწყვეტის გამო", – ნათქვამია უწყების განცხადებაში.
ამასთან, სამინისტროს ვებგვერდზე განთავსებული ინფორმაციის თანახმად, ევროკომისიამ რუსეთს მოლაპარაკებათა მომდევნო რაუნდის გამართვა 11 ივლისს შესთავაზა. უწყების განცხადებით, კარგი იქნებოდა, ამგვარი ხშირი შეხვედრები ხელშეკრულების გაფორმებამდე გამართულიყო.
