2014-06-26 15:38

ქარელის რაიონში, საოკუპაციო ხაზის სიახლოვეს მდებარე სოფელ ატოცის მიმდებარე ტერიტორიაზე რუსმა მესაზღვრეებმა მავთულხლართების ერთი ნაწილი ახსნეს, ნაწილი კი კვლავ ადგილზე დატოვეს. ამის შესახებ ინფორმაციას "ინტერპრესნიუსი" ავრცელებს.

ცოტა ხნის წინ რუსმა ე.წ. მესაზღვრეებმა აღნიშნულ ტერიტორიაზე სამხედრო ჯიხურიც დადგეს, გარდა ამისა შეინიშნება ქვეითებისა და სამხედრო სატრანსპოტრო საშუალებების გადაადგილება. 

ადგილობრივი მოსახლეობა შიშობს, რომ შესაძლოა, რუსი ე.წ. მესაზღვრეები აღნიშნული მავთულხლართის სოფლის სიღრმეში გადმოწევას აპირებენ.