17 მაისს აქცია მაინც ჩატარდება, თუნდაც ის ერთმა პირმა ჩაატაროს - ვის ეჯიბრება ან ექვემდებარება გიორგი ჩხარტიშვილი?

Image

გიორგი ჩხარტიშვილის განზრახვა 17 მაისს ტრანსგენდერთა აქციის ჩატარების შესახებ საყოველთაო განხილვის საგანი გახდა. მღელვარება ჰომოფობიის საწინააღმდეგო დღის აღნიშვნასთან დაკავშირებით ამ დრომდე არ წყდება.

გიორგი ჩხარტიშვილმა, როგორც აქციის ორგანიზატორმა, ჯერ აქციის ჩატარება გადაიფიქრა, დღეს კი მაინც მიმართა შსს-ს და აქციის უსაფრთხოების უზრუნველყოფა მოითხოვა.

 

ორგანიზაციებმა, რომლებიც, როგორც წესი, ბოლო წლების განმავლობაში მონაწილეობდნენ 17 მაისის აქციების ორგანიზებაში („ლგბტ საქართველო“, „იდენტობა“ და სხვები), ამ თარიღამდე კარგა ხნით ადრე, სრულიად ცალსახად განაცხადეს, რომ წელს არანაირი აქციის ორგანიზებას არ აპირებენ, რათა მავანთ არ მიეცეთ შესაძლებლობა, ეს აქცია გამოიყენონ სიტუაციის ესკალაციის მიზნით.

 

აღსანიშნავია, რომ ბოლო დღეების განმავლობაში განსაკუთრებით გააქტიურდა თბილისის ცირკის მიმდებარე ტერიტორიაზე ტრანსგენდერებზე თავდასხმის თემა. ყოველ შემთხვევაში, მედიასაშუალებებმა და, მათ შორის, „აფხაზეთის ხმამ“, არაერთხელ გააშუქეს ცნობილ ტრანსგენდერ ზიზიზე თავდასხმის ფაქტი: მასზე დაყრდნობით გავრცელდა ინფორმაცია, რომ ზიზი ერთხელ დაჭრეს, მეორედ სცემეს, მესამედ კი ჯგუფური თავდასხმის მსხვერპლი გახდა.

 

ამავე დროს, ორგანიზაცია „იდენტობის“, ანუ, იმ ორგანიზაციის წარმომადგენელი, რომელსაც უშუალო შეხება აქვს ლგბტ პირებთან და არაერთხელ დაუყენებია და გადაუჭრია მათთან დაკავშირებული პრობლემები, სრულიად არაორაზროვნად მიანიშნებს, რომ შესაძლოა, ზიზის არც არავინ დასხმია თავს და მას, უბრალოდ, გარკვეული მიზნებისთვის იყენებენ. მან სტატუსში დაწერა და ამხილა გიორგი ჩხარტიშვილი, რომლის მიმოწერით ლგბტ პირებთან დაასკვნა, რომ ჩხარტიშვილი „ევრაზიული კავშირის ტიპებისგან“ (როგორც თავად წერს) 40 000-ით ფინანსდება და რომ 17 მაისის აქცია, სინამდვილეში „ევროკავშირის ხელშეკრულების თავზე გადასახევად“ და „სხვა, ფარული მიზნებისთვისაა“ საჭირო.

 

გიორგი ჩხარტიშვილი უარყოფს მსგავს მიმოწერასთან მის რაიმე კავშირს და „იდენტობასა“ და მის ლიდერს ლგბტ პირების ინტერესების უგულებელყოფაში ადანაშაულებს. მისი თქმით, 17 მაისის აქცია სწორედ „იდენტობის“ წინააღმდეგ ჩატარდება.

 

„აფხაზეთის ხმამ“, სოციალურ ქსელებში განხილვის მიხედვით, ერთხელ უკვე გამოაქვეყნა სტატია 17 მაისთან და გიორგი ჩხარტიშვილთან დაკავშირებით, დღეს კი გთავაზობთ ინტერვიუს თავად გიორგი ჩხარტიშვილთან:

 

- თქვენს გვერდზე დევს მიმართვა შს მინისტრისადმი, სადაც აქციის შესახებ ატყობინებთ. ანუ, მაინც გადაწყვიტეთ აქციის გამართვა 17 მაისს?

 

- განცხადება 7 მაისს 4 საათისთვის დარეგისტრირდა შესაბამის ადმინისტრაციულ ორგანოებში. შესაბამისად, გადაწყვეტილება - გაიმართება თუ არა აქცია დამოკიდებულია ამ უწყებების წერილობით პასუხზე. 17 მაისის აქცია აუცილებლად ჩატარდება, მიუხედავად იმისა, ეს შედის თუ არა გრანტიჭამია იდენტობის და მისი შვილობილი ლგბტ საქართველოს ინტერესებში. დიახ, 17 მაისს მოეწყობა საპროტესტო აქცია/შეკრება.

 

-რატომ ელოდებით პასუხს შსს-სგან ან სხვა უწყებებისგან? აქციის ჩატარებას ნებართვა არ სჭირდება, თქვენ კი უკვე დააუწყეთ და მხოლოდ ეს გევალებოდათ, კანონის თანახმად...

 

გიორგი ჩხარტიშვილი:

 

-ვინაიდან არის განსაკუთრებული რისკი რომ მოხდება აქციის მონაწილეთა მიმართ ძალადობრივი გზით დარბევა, აუცილებლად მიგვაჩნია შესაბამისმა უფლებამოსილმა სახელმწიფო უწყებებმა უზრუნველყონ და საკუთარ თავზე აიღონ პასუხისმგებლობა, აქციის მიმდინარეობისას შესაძლო ძალადობრივი ქმედებების აღმოფხვრის თაობაზე.

 

იმ შემთხვევაში, თუ პოლიცია ვერ უზრუნველყობს აქციის მონაწილეთა უფლებების სათანადო დაცვას, ეს პირდაპირ სახელმწიფო ვალდებულების შეუსრულებლობად ჩაითვლება და ამავდროულად, მათი პასუხისმგებლობის დაყენების საფუძველი იქნება.

 

მიუხედავად ამისა, არ ვთვლი, რომ ჩვენს მიერ დაგეგმილი აქცია პროვოკაციულია, ვინაიდან ჩვენ ვიკრიბებით კანონით დადგენილი წესის შესაბამისად, რა დროსაც სახელმწიფო ვალდებულია უზრუნველყოს ჩვენი უსაფრთხოება და დაცვა როგორც უკიდურესი უმცირესობისა რაც შეეხება ირაკლი ვაჭარაძის მიერ გავრცელებულ ბრალდებებს ჩემთან მიმართებაში, რომლის თანახმადაც მე კრიმინალად და სექს მუშაკად წარმომაჩინა, მინდა საზოგადოებისთვის რამოდენიმე განმარტება გავაკეთო.

 

მე 2010 წელს, მაშინ როდესაც 17 წლის ვიყავი დამაკავეს 100 000 აშშ. დოლარის მითვისების ფაქტზე, რისთვისაც მე კანონით დადგენილი წესის შესაბამისად მოვიხადე სასჯელი.

 

შესაბამისად, მე რესოციალიზებული ვარ. გათავისუფლების შემდგომ არავის არ აქვს უფლება მომაყენოს შეურაცხყოფა და მოახდინოს ჩემი რეპუტაციის დაკნინება და დისკრიმინაცია. მე კანონის თანახმად არ ვარ კრიმინალი და ვარ საქართველოს თავისუფალი მოქალაქე.

 

თუ ვისმჯელებთ ირაკლი ვაჭარაძის პოზიციიდან, მაშინ ირაკლი ვაჭარაძის ძმაც კრიმინალია, რომელიც ციხეში განსაკუთრებით მძიმე კატეგორიის დანაშაულისთვის იხდიდა სასჯელს და მოთავსებული იყო ე.წ.„საქათმეში“.

 

დიახ, ირაკლი ვაჭარაძე, თავად აღმოჩნდება უახლოეს მომავალში ციხეში მისი დანაშაულისათვის. ხოლო რაც შეეხება განცხადებას, რომ მე ვლადიმირ ბედუკაძეს , პოპულარობის მოპოვების მიზნით, ცრუ ბრალდებები წარვუდგინე, მინდა გითხრათ, რომ ვლადიმერ ბედუკაძის წინააღმდეგ ჩემს მიერ წარდგენილი განცხადება, ამ ეტაპზე მთავარი პროკურატურის მიერ განხილვის პროცესშია.

 

ასევე განხილვის პროცესშია, ბუზალაძის წინააღმდეგ შეტანილი საჩივარიც. აქედან გამომდინარე, იმის მტკიცება, რომ მე ცრუ ბრალდება და ცრუ დასმენა გავაკეთე, უბრალოდ პროვოკაციაა, შავი პიარი და ბრძოლა, რომ როგორმე დისკრიმინირებული ვიყო.

 

ძალიან ცდება ირაკლი ვაჭარაძე, თუ ჰგონია ამით რაიმე ზიანი მოაქვს ჩემთვის. მე თუ ცრუ დასმენა გავაკეთე, მაშინ მე ახლა ცრუ დასმენისათვის სისხლის სამართლის კოდექსის შესაბამისად ციხეში უნდა ვიყო, მაგრამ მე თავისუფალი მოქალაქე ვარ! –

 

-აქციაში მონაწილეობას ვინ მიიღებს და არის თუ არა დაგეგმილი უცხოეთიდან სხვა მონაწილეების ჩამოყვანა აქციაზე?

 

გიორგი ჩხარტიშვილი:

 

-აქციაში დაგეგმილია მონაწილეობა მიიღონ ლგბტ თემის წევრებმა რომლებიც ეთანხმებიან ჩვენს მიერ დეკლარირებულ მოთხოვნებს და იზიარებენ ჩვენს პოზიციას.

 

თუმცა განიხილება მეორე ვარიანტიც - აქცია მხოლოდ ერთი პირისაგან უნდა შედგებოდეს და მას სიმბოლური ხასიათი უნდა ჰქონდეს. რაც შეეხება, ე.წ. იმპორტულ ტრანსგენდერებს, როგორც ამას დისკრიმინატორი და გრანტიჭამია ვაჭარაძე აცხადებს, ეს არის სრული აბსურდი და პროვოკაცია.

 

აქციაში მონაწილეობა შეიძლება მიიღონ იმ პირებმა, რომლებიც არ არიან საქართველოს მოქალაქეები, მაგრამ ცხოვრობენ საქართველოში.

 

- ამბობთ, შესაძლოა, ერთი პირის აქცია ჩატარდესო. ნიშნავს თუ არა ეს იმას, რომ თუ აქციაში მონაწილეობაზე სხვა პირები არ დათანხმდებიან, ან რაიმე მიზეზით თავს შეიკავებენ, თქვენ ერთი მაინც გამართავთ ამ აქციას?

 

გიორგი ჩხარტიშვილი:

 

-არ მივიჩნევ, რომ ადამიანებმა, რომლებიც გამოთქვამენ სურვილს აქციაზე მონაწილეობის მიღებაზე, უარი თქვან 17 მაისს გამოსვლაზე იმის შიშით, რომ შესაძლოა მათზე განხორციელდეს ძალადობა.

 

აქ უბრალოდ საუბარია იმაზე, რომ მოხდეს აქციისათვის არაგამაღიზიანებელი ფორმის შერჩევა და უფრო მეტი სიმბოლური დატვირთვის მიცემა, მაგრამ ეს არ ნიშნავს იმას, რომ არ განიხილება უფრო მასშტაბური აქციების მომავალშიც ჩატარება.

 

- "მოხდეს აქციისათვის არა გამაღიზიანებელი ფორმის შერჩევა" - თქვენ ფიქრობთ, რომ ეს შესაძლებელია იმ ფონზე, რაც, თუნდაც შარშანდელ, სრულიად უწყინარ და არაგამაღიზიანებელ აქციაზე მოხდა?

 

გიორგი ჩხარტიშვილი:

 

-მე არ ვთვლი, რომ შარშან ეს არაგამაღიზიანებელი იყო. პირიქით, შარშან სპეციალურად პროვოცირებული იყო იდენტობის მიერ, რომ მომხდარიყო დაპირისპირება. სწორედ იდენტობის მიერ გრანტების მოპოვების მიზნით მოხდა აქციის დაგეგმვა.

 

თქვენ ნახავთ, რომ წელს ეს იქნება აქცია შეტაკებებისა და დარბევის გარეშე. ჩვენ ჩავედით გორში და ჩავატარეთ მნიშვნელოვანი აქცია, მაგრამ იქ არავინ არ დაურბევიათ. ჩვენ არ ვაკეთებთ დარბევის პროვოცირებას იმიტომ, რომ ჩვენ ეს არ გვჭირდება. ხოლო იდენტობას, სჭირდებოდა ეს დარბევა და ამიტომაც მოაწყვეს ამის პროვოცირება

 

- მაგრამ გორში თქვენ აღშფოთებული მოსახლეობის ნაწილი "იუდას" გეძახდათ და თუ არ დაგიპირისპირდნენ, მხოლოდ იმიტომ, რომ პოლიცია გიცავდათ. ასე ჩანდა ვიდეომასალებში და თქვენ სხვაგვარად ფიქრობთ?

 

გიორგი ჩხარტიშვილი:

 

-რასაკვირველია. იქ სულ რაღაც 5 პატრულის ეკიპაჟი იყო. ანუ, ერთ ეკიპაჟში 2 პატრულ-იქნსპექტორი. ე.ი. სულ 10 პოლიციელი და ამას თქვენ პოლიციის სათანადო დახმარებას ეძახით? იქ რამოდენიმე წუთში 300 მდე ახალგაზრდა შეიკრიბა, რომლებსაც თავისუფლად შეეძლოთ ჩვენი დარბევა, მაგრამ ეს არ მოხადა ჩვენ 45 წუთი ვიმყოფებოდით აქციაზე.

 

- თქვენი დამსახურება რა იყო იმაში, რომ გორში არ დაგარბიეს, ანუ, რა გააკეთეთ განსხვავებული იმისგან, რაც, ვთქვათ, 17 მაისს, შარშან გააკეთეს ლგბტ პირებმა და ორგანიზაციებმა?

 

გიორგი ჩხარტიშვილი:

 

-ვერ გეტყვით, თუ რა არის ის გარემოება, რის გამოც ჩვენი აქცია მშვიდობიანად დასრულდა. ალბათ, ეს არის ის, რომ ჩვენ შევიკრიბეთ როგორც მოქალაქეები ყოველგვარი ორგანიზაციების გარეშე, ჩვენ შევიკრიბეთ ყოველგვარი პროვოკაციული გამოსვლებისა და ლოზუნგების გარეშე, რაც, რასაკვირველია არ არის დამატებითად ხალხის პროვოცირების საფუძველი.

 

ამავდროულად, მინდა გითხრათ, რომ მე პირადად დავუკავშირდი შსს-ს რამოდენიმე მაღალჩინოსანს და ვაცნობე აქციის ჩატარების შესახებ, რაც ჩვენი დაცვის საფუძველი გახდა. ჩვენ ქ. გორში შესვლისთანავე გველოდებოდა საპატრულო ეკიპაჟი, რომელმაც ჩვენ შეგვაცილა ქალაქში და მიგვიყვანა დანიშნულების ადგილას.

 

დაგეგმილი იყო, რომ ეკიპაჟი გამოგვაცილებდა გორის მუნიციპალიტეტის ტერიტორიაზე და შემდგომ მაღალი რისკების გათვალისწინებით, ჩვენ ჩამოგვაცილეს თბილისამდე, რისთვისაც შსს-ს უღრმესი მადლობა მინდა გადავუხადო.

 

ვფიქრობ 17 მაისს ჩვენ ასევე დაგვიცავს შსს. წინააღმდეგ შემთხვევაში, ამაზე პასუხისმგებელი მხოლოდ სახელმწიფო იქნება

 

- თქვენ "პიდარასტად" მოიხსენიებთ რამდენიმე პირს, ვისი მიმოწერაც თქვენს გვერდზე გამოაქვეყნეთ, ანუ ამ ტერმინს, რომელიც ჰომოფობიურად ითვლება, იყენებთ დასამცირებლად და ამ დროს, თავად მიეკუთვნებით ლგბტ თემს. ხომ ვერ აგვიხსნით ამ ფენომენს?

 

გიორგი ჩხარტიშვილი:

 

-მე არ ვთვლი თავს ჰომოფობად. უბრალოდ ადამიანი, რომელიც არის სულით ხორცამდე პიდარასტი, მას სწორედ პიდარასტი უნდა უწოდოთ და მე ამ ტერმინს, ####-თან (ასახელებს ერთ-ერტი ორგანიზაციის წარმომადგენელს, - რედ.) მიმართებით ვიყენებ.

 

ეს არ ნიშნავს ჩემთვის, რომ მე ხაზს ვუსვამ მის სექსუალურ ორიენტაციას, მიუხედავად იმისა, რომ მაქვს ძალიან ბევრი მტკიცებულება მისი მამათმავლობის. მე ტერმინს - პიდარასტი, ვიყენებ მხოლოდ ისეთი ადამიანებთან მიმართებაში, როგორიც ###  ###-ეა.

 

- "სულით ხორცამდე პიდარასტი" როგორი ადამიანია თქვენთვის?

 

გიორგი ჩხარტიშვილი:

 

-უკანასკნელი ნაძირალა, პროვოკატორი, სახელმწიფოს მოღალატე და ამავდროულად თაღლითი.

 

-როგორც გავიგეთ, "გაზეტა.რუ"-სთვის მიგიციათ ინტერვიუ ქართულად...

 

გიორგი ჩხარტიშვილი:

-რაც შეეხება „გაზეტა.რუ“- სთვის მიცემულ ინტერვიუს, მინდა გითხრათ, რომ ჩემს მიერ დაწყებული აქციის ფარგლებში, მე უამრავი გამომცემლობა მიკავშირდება და ითხოვენ კომენტარს გაკეთებას მიმდინარე პროცესების შესახებ, მათ შორის, რასაკვირველია არის რუსული გამომცემლობებიც.

 

- არ ფიქრობთ, რომ 17 მაისს თქვენს მიერ დაგეგმილი აქცია გარე ძალამ, ამ შემთხვევაში რუსეთმა, შესაძლოა, საქართველოში სიტუაციის დესტაბილიზაციისთვის გამოიყენოს?

 

გიორგი ჩხარტიშვილი:

 

-არ ვფიქრობ გარე ძალების გააქტიურებაზე, ვინაიდან ამის ფიქრის საფუძველი არ გამაჩნია. რაც შეეხება მოსაზრებას, იმოქმედებს თუ არა ეს ასოცირების ხელშეკრულებაზე, მინდა გითხრათ, რომ მხოლოდ იმ შემთხვევაში, თუ მოხდება ჩვენი დარბევა და სახელმწიფო არასათანადოდ განახორციელებს ჩვენს დაცვას. რასაკვირველია ამან, პირდაპირ შეიძლება არა, მაგრამ რაღაც მომენტში შეაფერხოს ასოცირების ხელშეკრულების გაფორმებისა და მოქმედების პროცესი.

 

"აფხაზეთის ხმა"

რედაქტორის რჩევით

გაწვდით პოზიტივს! - "დები დიღმელები" სტუმრად რადიო დარდიმანდში სიმღერის პრემიერით

2023-05-15 18:57
"ავთხოვდი ჩავთხოვდი" და "ნაღდი ქალები" ასე ქვია სიმღერებს, რომლის პრემიერაც დღეს რადიო...

2 ივნისს, ლისი ივენთ ჰოლში 2000-იანი წლების ოქროს ჰიტების საღამო გაიმართება

2023-05-15 13:33
საინტერესო ინფორმაცია მათთვის, ვისაც 2000-იანების ჰიტები უყვარს - 2 ივნისს, ლისი ივენთ ჰოლში...

ქართული სცენის ვარსკვლავი, მომღერალი ნინო ჩხეიძე 27 მაისს სტოკჰოლმში იმღერებს

2023-05-11 16:10
მომღერალი და ტელეწამყვანი ნინო ჩხეიძე 27 მაისს ქალაქ სტოკჰოლმში იმღერებს.

,,ამ სიმღერების პოპური ვიცოდი გოგი დოლიძისგან" - ლაშა ღლონტის პოპურის პრემიერა რადიო დარდიმანდის ეთერში

2023-04-28 13:38
რადიო ,,დარდიმანდის" ეთერში, გადაცემაში ,,ახალი ქართული" მომღერალ ლაშა ღლონტის ახალი ქართული სიმღერის - ,,ლაშას პოპური"...
რჩეული ვიდეოები

ნინო ჩხეიძისა და ზურა ბარბაქაძის ახალი კოლაბორაცია - „წყაროზე“

2021-11-16 13:59
10 წლის შემდეგ, მომღერლების, ნინო ჩხეიძისა და ზურა ბარბაქაძის მუსიკალური დუეტი განახლდა გელა...

CHANEL - ის 2021 წლის გაზაფხულის ჩვენება (ფოტო,ვიდეო)

2021-03-12 14:06
CHANEL - ის 2021 წლის გაზაფხულის ჩვენება

კიევის ნაციონალური აკადემიური ოპერეტის თეატრის მომღერლებმა კარატინში „სულიკო“ იმღერეს(ვიდეო)

2020-04-11 17:25
კიევის ნაციონალური აკადემიური ოპერეტის თეატრის მომღერლებმა კარატინში „სულიკო“ იმღერეს.

BBC-ნიუ-იორკში, სავარაუდოდ, კორონავირუსით გარდაცვლილ ადამიანებს დიდ ორმოებში მასობრივად მარხავენ. ვიდეო

2020-04-10 15:44
ნიუ-იორკი კორონავირუსით გარდაცვლილთა რიცხვის ზრდის პარალელურად, მასობრივ საფლავებს იყენებს....

გამოკითხვა

რომელ სტუმარს გამოარჩევდით გადაცემიდან ,,ყველაზე ყვითელი"

ნიკო ქართველი - 0%
სვეტა ბაღდასაროვა - 0%
კესარია აბრამიძე - 100%
ხმების რაოდნობა: 1
ხმის მიცემა შეწყვეტილია !