მოკლე ვარცხნილობები მსოფლიო ტენდენციაა, რომელიც ქართულმა შოუბიზნესმა კარგად აითვისა და მასობრივად დაგრძელებული თმიდან მოკლე სტილზე გადაინაცვლა...
ზოგი ამას თმის ხარისხის გაუმჯობესების სურვილს „აბრალებს“, ზოგი - ერთი და იმავე ვარცხნილობის მობეზრებას, ოღონდ თითქმის არავინ აღიარებს, რომ მთავარი როლი თმის დამოკლებაში მაინც მოდამ ითამაშა.
ქართულ რეალობაში თიკო სადუნიშვილი გახლდათ პიონერი, რომელმაც ეს ტენდენცია საკუთარ თავზე გამოსცადა, საშუალო სიგრძის ქერა თმიდან საკმაოდ მოკლე, ე.წ. „ბიჭურ“ ვარცხნილობაზე გადავიდა და ფერიც შეიცვალა – წითური გახდა... ექსპერიმენტების შემდეგ თიკომ თმის ძველი ფერი დაიბრუნა და ახლა ისევ ქერაა.
სალომე გოგიაშვილმა გრძელი თმა „კარეთი“ ჩაანაცვლა, რომელიც შემდეგ ვიქტორია ბექჰემის ვარცხნილობით შეცალა, შემდეგ ისევ შეიცვალა სტილი და დღეს ისიც მოკლევარცხნილობიანთა რიგებშია.
ასეთი მოკლე თმა არასდროს ჰქონია თიკა ფაცაციასაც. „რეიტინგთან“ საუბრისას თიკამ აღნიშნა, რომ ამ გადაწყვეტილების მიღებაში ნატალიკო ქუთათელაძე დაეხმარა, რომელსაც ასევე მოკლე ვარცხნილობა აქვს.
ეტყობა, ზაფხულის სიცხემ და მოდამ თეა გობეჯიშვილზეც მოახდინა გავლენა და ისევ მოკლე ვარცხნილობას დაუბრუნდა.
ცოტა ხნის წინ ვარცხნილობა ინგა გრიგოლიამაც შეიცვალა. როგორც ტელეწამყვანმა „ფეისბუქ-გვერდზე“ დაწერა, ბომონდური წრეებისთვის საყვარელმა სტილისტმა მიშა გასიტაშვილმა იმუშავა მის თმაზე. სიცხისგან შეწუხებული ინგა საავადმყოფოში მოხვდა, თუმცა სერიოზული არაფერი სჭირდა, გამოსვლის შემდეგ კი პირველი, რაც გააკეთა, თმის შეჭრა იყო.
reitingi.ge
