2017-08-28 00:28

ნიჟნი ტაგილში მდებარე რუსეთის ერთერთ უდიდეს კორპორაცია "ურალვაგონზავოდში", რომელიც ქვეყანაში უდიდესი სამხედრო ტექნიკის მწარმოებელი ქარხანაა, ხანძარი გაჩნდა. 

პირველადი ინფორმაციით, ცეცხლი სამღებრო საამქროს მოედო, მუშები და სხვა პერსონალი ევაკუირებულია, ხანძრის კერებს საგანგებო სიტუაციათა სამინისტროს რამდენიმე შემადგენლობა ებრძვის. სხვადასხვა მონაცემებით, ამ დროისთვის ცეცხლი ლოკალიზებულია, თუმცა, პირველი დონის განგაშის სიგნალი გაუქმებული არ არის. 

"ლენტა რუ" იტყობინება, რომ ცეცხლი 70 კვადრატულ მეტრ ფართობს მოედო, ხოლო მეხანძრეებმა, რომლებიც ადგილზე სპეციალური ამწ-კიბეებით მუშაობდნენ, ტექნიკური ქაფი გამოიყენეს და ხანძრის ლიკვიდირება მოახერხეს. 

"ურალვაგონზავოდი" რუსეთში უდიდესი კორპორაციაა, რომელიც ტანკებს, თვითმავალ ჰაუბიცებს და სხვა სახის სამხედრო ტექნიკას აწარმოებს.