აშშ-მ ძლიერი გზავნილი უნდა გაუგზავნოს ვლადიმერ პუტინს და ნებისმიერ აგრესორს, რომ არ ვიქნებით ტოლერანტულები იმ შემთხვევაში, თუ ჩვენს დემოკრატიას ვინმე თავს დაესხმება - ამის შესახებ სენატორმა ჯონ მაკკეინმა რუსეთისათვის სანქციების დაწესებასთან დაკავშირებით სენატში გამართული განხილვისას განაცხადა.
„სწორედ ამას ეხება ეს კანონპროექტი. ამ ბრძოლაში ჩვენი მხარე უნდა გვქონდეს, არა როგორც რესპუბლიკელებს ან დემოკრატებს, არამედ, როგორც ამერიკელებს. ამერიკის დემოკრატიაზე ნებისმიერი მომდევნო თავდასხმის პასუხი იქნება სანქციები და ქმედება.
დემოკრატიაში არ არსებობს იმაზე საშიში პროცესი, ვიდრე თავისუფალი და გამჭვირვალე არჩვენების გარანტია. ეს ფუნდამენტური უფლება დარღვეული იქნა პუტინის მიერ. მოდით, ამ გზით ოფიციალურად დავგმოთ ჩვენს ქვეყანაზე განხორციელებული ეს თავდასხმა.
ხელმოსაწერად გავუგზავნოთ ეს კანონპროექტი პრეზიდენტს. ჩვენ ჯერ კიდევ არ ვიცით, მოაწერს თუ არა მას ხელს ამერიკის პრეზიდენტი, მაგრამ მე გეუბნებით, თუ კონგრესი ისაუბრებს ხმამაღლა და ამ კანონპროექტს პრეზიდენტს ვეტოს დაძლევის უპირატესობით გავუგზავნით, არავითარი მნიშვნელობა აღარ ექნება, რას გადაწყვეტს ტრამპი“, - განაცხადა მაკკეინმა.