-
2015-11-18 01:09
ჰანოვერის სტადიონზე ტერაქტის პრევენცია მოხდა - გავრცელებული ინფორმაციით, ასაფეთქებელი მოწყობილობა, რომელიც დისტანციურად იმართებოდა, სასწრაფო დახმარების მანქანაში იყო დამონტაჟებული. ის მატჩის დაწყების შემდეგ უნდა აფეთქებულიყო. წინასწარი ინფორმაციით, მანქანის განსანაღმად სპეციალისტები მუშაობენ, დაკავებულია ერთი ეჭვმიტანილი.
შეგახსენებთ, დღეს ჰანოვერში გერმანიისა და ჰოლანდიის ნაკრებ გუნდებს შორის შეხვედრა 23:45 საათზე (თბილისის დროით) უნდა დაწყებულიყო, თუმცა, საათნახევრით ადრე მატჩის დაწყებამდე პოლიციამ და სპეცსამსახურებმა სტადიონი ალყაში მოაქციეს, იქ შესული გულშემატკივართა მცირე ნაწილის ევაკუაცია კი სასწრაფო წესით ჩაატარეს.
თავდაპირველად გავრცელებული ცნობით, განგაშის მიზეზი გახდა სტადიონთან უმეთვალყურეოდ დატოვებული ჩემოდანი, სადაც არაფერი აღმოჩნდა საგანგაშო, მაგრამ ბოლო ცნობები მიანიშნებს, რომ დისტანციურად მართვადი ბომბი სასწრაფო დახმარების იმ მანქანაში იყო გადამალული, რომელიც სტადიონზე უნდა შესულიყო. იქედან გამომდინარე, რომ სასწრაფო და სახანძრო მანქანები ტრიბუნების ქვეშ თავსდება, პოლიცია ვარაუდობს, რომ აფეთქებას დიდი მსხვერპლი და პანიკა უნდა გამოეწვია. ამასთან, გერმანული მედია ხელისუფლების წრეებზე დაყრდნობით წერს, რომ ასაფეთქებელი ნივთიერება დიდი რაოდენობით იყო განთავსებული მოწყობილობაში, რომელიც მატჩის დაწყების შემდეგ ამოქმედდებოდა.
წაიკითხეთ ამავე თემაზე: გერმანიის შს მინისტრმა უარყო გავრცელებული ინფორმაცია დანაღმული სასწრაფოს შესახებ
ჰანოვერის სტადიონიდან მაყურებელთა ევაკუაციაა - გერმანია-ნიდერლანდები ჩაიშალა