2014-07-31 15:18

კომისიის თავმჯდომარის ზვიად ქორიძის განაცხადებით, შეწყალებულია 280 მსჯავრდებული, რომელთაგან საპატიმროს 169 პატიმარი დატოვებს.

„შეწყალების კომისიამ  2743 საქმე განიხილა. ეს არის ის განცხადებები, რომელიც პრეზიდენტის სახელზე იყო შემოსული 2014 წლის 1 თებერვლიდან 1 ივლისამდე.

მათგან 1228 განცხადება სრულად აკმაყოფილებდა იმ კრიტერიუმებს, რომელიც განსაზღვრულია შეწყალების კომისიის დებულებით. შეწყალებულია 280 მსჯავრდებული, აქედან 8 ქალია, 10 არასრულწლოვანი.

280 მსჯავრდებულიდან  169 პატიმარი გათავისუფლდება საპატიმრო დაწესებულებიდან, რომელთაგან 5 ქალი, 4 კი არასრულწლოვანია.

დანარჩენი 111 მსჯავრდებულიდან ზოგს გაუნახევრდა დანაშაული, ზოგს მესამედი ჩამოაკლდა. 111 მსჯავრდებულს შორის 5 ქალი და 6 არასრულწლივანია”, - განაცხადა ზვიად ქორიძემ.