2014-07-28 17:41

ყოფილმა პრემიერმა დღევანდელი სასამართლო  პროცესი პროტესტის ნიშნად დატოვა.

„მინდა შევიდე პროკურორების მდგომარეობაში. ივანიშვილი ამ პროკურორებსაც არ ენდობა და უცხოელი პროკურორები დაიქირავა.

მე მეგონა, რომ რადგან ხელისუფლება უუნარო აღმოჩნდა, ფინანსთა, ეკონომიკის მინისტრებს ექსპერტებს ჩამოუყვანდა, მეგონა, რომ ჩამოიყვანდა ექსპერტებს განათლების სფეროში, უმუშევრობის დაძლევის მიზნით, ახალი ტექნოლოგიების სფეროში, მან კი უცხოელი პროკურორები დაიქირავა.

ეს არის დღევანდელი ხელისუფლების ხედვა. მათი „გადარჩენის“ ერთადერთი გზა ყველას დაპატიმრებაა, ვინც სიაშია და სიაში არაა“, - განაცხადა მერაბიშვილმა.

მისივე თქმით, ხელისუფლების ამ უუნარობის გამო ქართული სახელმწიფო და ქართველი ხალხი დაზარალდება.

„მინდა განგებას ვთხოვო, რომ ქართველი ხალხი ნაკლებად დაზარალდეს“, - განაცხადა ვანო მერაბიშვილმა და პროტესტის ნიშნად სასამართლო დარბაზი დატოვა.