-
2014-07-18 12:51
დამოუკიდებელი ექსპერტის თქმით, გარდაცვლილს მკვლავზე შხეფები აქვს, რომელიც გამოძიების პროცესში საკმაოდ მნიშვნელოვანი დეტალია.
„ახლა მანქანის დათვალიერებისას უნდა დადგინდეს, შხეფები გვერდით სავარძელზე გრძელდება თუ წყვეტაა, რაც პასუხს გაგვცემს კითხვაზე – იყო თუ არა ავტომობილში მეორე ადამიანი?.. თავის ქალაზე მოტეხილობა დაფიქსირდა, რომლის ხაზების განლაგებაზე დიდხანს ვიფიქრეთ და გაირკვა, ქალას ფუძე დაზიანებულია, ყველა კითხვაზე პასუხი ლოგიკურად დალაგდა.
სხავთა შორის, ერთი მნიშვნელოვანი დეტალიც შევნიშნე – სისხლის ჩამონაღვენთების დათვალიერებისას, ცხვირიდან წამოსული სისხლის მიმართულება ქვემოდან ზემოთ იყო. რა თქმა უნდა, გაჩნდა კითხვა, გარდაცვალების დროს იჯდა თავგადაწეული თუ შემდეგ დაასვენეს...
სამედიცინო ექსპერტიზა არ ამბობს, მკვლელობაა თუ თვითმკვლეოლობა. ეს გამოძიების პრეროგატივაა... ეროსი კიწმარიშვილის გარდაცვალებიდან ორ დღეში ხელისუფლების როლზე ვერ ვისაუბრებ. არ შეიძლება, ყოველთვის შოლტი ხელისუფლებას ურტყა, გამოძიება კი შანტაჟის პირობებში ამყოფო.
ხელისუფლების მიმართ გვიან განვიხიბლები ხოლმე და ბოლოს გულდაწყვეტილი ვრჩები, მაგრამ მირჩევნია, ახლა პოზიტიურად განვეწყო, რადგან საქმეში გვახედებენ და ექსპერტიზასაც დავესწარი“, - აღნიშნა მაია ნიკოლეიშვილმა.
„ვერსია“