-
2014-07-16 09:36
დამოუკიდებელი ექსპერტის მაია ნიკოლეიშვილის განცხადებით, ეროსი კიწმარიშვილს ცეცხლნასროლი ჭრილობა იარაღის მიბჯენით აქვს მიყენებული, სხვა ძალადობის კვალი პრაქტიკულად არ აღინიშნება.
„ვერც მე და ვერც ერთი სამედიცინო ექსპერტი ვერ გეტყვით, მკვლელობაა, თუ თვითმკვლელობა. ეს არის გამოძიების პრეროგატივა. ის, რაც ნანახია სხვა მონაცემებთან ერთად, რა თქმა უნდა, შესაჯერებელია.
ფაქტია, რომ ადგილი აქვს მიბჯენით სროლას. აღბეჭდილია ტიპიური „შტანცმარკა“, ანუ ლულის ანაბეჭდი და ძალიან მძლავრი იარაღია გამოყენებული, გამომდინარე იქიდან, რომ ძალიან ძლიერადაა დაზიანებული ქალას ძვლები.
სხვა რაიმე დაზიანება არ იყო გარდა ერთი აბსოლუტურად უმნიშნელო ნაჭდევისა ხელის მტევანზე, რომლის სიდიდეც ორი მილიმეტრის ოდენობისაა. ამას კავშირი რაიმე დაზიანებასთან არ შეიძლება ჰქონდეს. დანარჩენი უკვე გამოძიებამ უნდა შეადაროს იმ იარაღს, ავტოფარეხში სისხლის კვლებს და ა.შ“, - განაცხადა დამოუკიდებელმა ექსპერტმა.