1 ივლისს, სასამართლო სხდომაზე ბაჩო ახალაიამ სიტყვა წარმოთქვა, დარბაზში მსხდომ მის მხარდამჭერებსა და მეგობრებს მხედრული სალამი მისცა და დარბაზი დატოვა.
ბაჩო ახალაიას თქმით, ის ერთი პროცენტითაც არ უშვებს, რომ ქართულმა სასამართლომ გაათავისუფლოს, თუმცა, მოსამართლეს სთხოვა, რამდენიც არ უნდა მიუსაჯონ, შინაგანი სიმართლე და სამართლიანი გადაწყვეტილება ჰქონდეთ.
საქართველოს თავდაცვისა და შს ყოფილი მინისტრი სვამს შეკითხვას, როგორ შეიძლება ადამიანი , რომელიც პატიმრობაშია, ექვსჯერ დააპატიმრო და მაგალითად თავისი თავი მოჰყავს. ბაჩო ახალაიამ ბიძინა ივანიშვილს "ნაძირალა" უწოდა და აღნიშნა, რომ ის ქართული სახელმწიფოებრიობის მტერია:
"მე მინდა გითხრათ, რომ იმ ნაძირალა ივანიშვილისა და მისი ბიჭუშკა ღარიბაშვილის გასამართლება, შესაძლოა, სწორედ თქვენ და სწორედ ამ დარბაზში მოგიწიოთ", - განაცხადა ბაჩო ახალაიამ.