2017-04-03 12:39

დიღომში, ბელიაშვილის ქუცაზე, რესტორან "ჭაშნაგირთან" დღეს დილით ტაქსი დააყაჩაღეს. ადგილი შემოსაზღვრულია პოლიციის ლენტით, მობილიზებულია პოლიცია. 

შემთხვევის შესახებ "რუსთავი-2" იტყობინება. შინაგან საქმეთა სამინისტროში "რუსთავი-2-ს" განუცხადეს, რომ ამ დროისთვის მიმდინარეობს საგამოძიებო მოქმედებები.

უწყების ინფორმაციით, მომხდარზე გამოძიება სისხლის სამართლის კოდექსის 179-ე მუხლით დაიწყო, რაც ყაჩაღობას გულისხმობს.

შსს-ში დამატებით დეტალებზე არ საუბრობენ, შესაბამისად, უცნობია, დააკავეს თუ არა სამართალდამცველებმა ბრალდებული.