-
2016-06-26 13:49
ე.წ. კანონიერმა ქურდმა დავით გერლიანმა, იგივე „დათო სვანმა“ სასამართლო პროცესზე განაცხადა, რომ საქართველოს მთავრობას არანაირი კავშირი არა აქვს ქურდული სამყაროს წევრებთან და ამას მხოლოდ აბრალებენ.
გერლიანის სასამართლო პროცესზე ადვოკატმა მისთვის აღმკვეთ ღონისძიებად 50 ათასი ლარის გირაო მოითხოვა, თუმცა, სასამართლომ ეს შუამდგომლობა არ დააკმაყოფილა და გერლიანს პატიმრობა მიუსაჯა.
ე.წ. კანონიერმა ქურდმა განაცხადა, რომ როცა დეპორტაციისთვის აეროპორტში მიიყვანეს, გაიგონა, როგორ განაცხადა ოდესის პოლიციის უფროსმა გია ლორთქიფანიძემ, რომ საქართველოში კიდევ ბევრი უნდა გაუშვან 223-ე მუხლს (ქურდული სამყაროს წევრობა) მისადაგებული ადამიანები, რომლებმაც იქ საბოტაჟი უნდა მოაწყონ.
„მაინტერესებს, თუ გივი თარგამაძემ იცოდა, რომ მე დანაშაული მქონდა ჩადენილი და საქართველოში მოვდიოდი, რატომ არ შეატყობინა ეს თუნდაც პოლიციას. მგონი ეს მსუბუქი დანაშაულია, რომელიც მან ჩაიდინა.
გარდა ამისა, სანამ თვითმფრინავში ჩამსვავდნენ, გავიგონე გია ლორთქიფანიძის საუბარი, რომ არჩევნებამდე, 223-ე მუხლს (ქურდული სამყაროს წევრობა) მისადაგებული ადამიანები კიდევ უნდა გაუშვან საქართველოში და მოაწყონ საბოტაჟი. მინდა ვთქვა, რომ ასეთ ადამიანებთან საქართველოს მთავრობას არანაირი კავშირი არ აქვს", - განაცხადა დავით გერლიანმა სასამართლო პროცესზე.