2014-10-27 22:30

 პრემიერ-მინისტრის მიერ ხელისუფლების მუშაობია 2-წლიანი ანგარიშის წარდგენას სოციალურ ქსელში უამრავი გამოხმაურება მოჰყვა.

„ღარიბაშვილმა გამოსვლა რომ დაიწყო, გადავწყვიტე მისი ნათქვამი 3 „საუკეთესო“ ტყუილის ჩამონათვალი გამეკეთებინა.

5 წუთი არ იყო გასული, რომ გადაწყვეტილება შევცვალე და ათ „საუკეთესო“ ტყუილზე ჩამოვყალიბდი. 10 წუთში მეგობრებს და კოლეგებს მოვუძახე დასახმარებლად - მოდით, დამეხმარეთ, ღარიბაშვილის 100 „საუკეთესო“ ტყუილის ჩამონათვალი გამაკეთებინეთ-თქო.

30 წუთი გავიდა, 100-მა „საუკეთესო“ ტყუილმაც დაკარგა აზრი, დავიღალეთ, რესურსი არ გვყოფნის. ამის აღწერა შეუძლებელია.

შენ გაიმარჯვე, ჰაკიმ!“ - წერს გოგა ხაჩიძე.

„ეს კაცი არავის გიყვართ? ცოდოა, რეებს ამბობს, რეებს :(((((( დაუყვავეთ, უთხარით, რომ მედიას ნუ ეკონტაქტება წინასწარ დაწერილი ტექსტების გარეშე. დავიწვი ამის საცოდაობით.

ციტატა ღარიბაშვილის გამოსვლიდან:

„ოცი წლის განმავლობაში, ჩვენს ქვეყანაში წელს პირველად შემცირდა სიკვდილიანობა, რატომღაც არავინ არ მიაქცია ამას ყურადღება, მე ეს ძალიან მახარებს. პირველად, ოცი წლის განმავლობაში გაიზარდა პენსიონერთა რიცხვი.

სწორედ ეს არის სახელმწიფო პოლიტიკის შედეგი. ეს მოიტანა საყოველთაო ჯანდაცვის პროგრამამ, ეს მოიტანა თავისუფლებამ, მეგობრებო. იმიტომ, რომ რეგიონებში, სოფლებში, ქალაქში, როცა მოხუცებულებს, ბებიებს, ბაბუებს, პაპებს...

შვილიშვილი მიდის სახლში და აღარ იჭერენ მას უსამართლოდ, უკანონოდ, მას ნაკლებად მოუწევს ნერვიულობა, ნაკლები სტრესი აქვს მას და, ბუნებრივია, ეს არის ყველაფერი ის, რაც აისახება მათ ჯანმრთელობაზეც"- ციტირებს პრემიერის სიტყვებს ორგანიზაცია „იდენტობის“ ხელმძღვანელი,  ირაკლი ვაჭარაძე.

„პრემიერის გამოსვლიდან რამდენიმე ამონარიდს გავეცანი და ერთი თხოვნა მაქვს, მანდ მთავრობაში რას ეწევით ამისთანას, ჩვენც მოგვაწევინეთ, ერთად მაინც გვეგონოს, რომ ყველაფერი კარგადაა და წინ წავედით, თორემ ესე ძალიან ნერვების მომშლელია.

აბა ერთი თქვენ დაგსვან და ფხიზელი თვალით გაყურებინონ ამ ყველაფერს. ეს მაინც ქენით ბიჯო :))) - წერს „ფეისბუქზე“ ტორესა მოსის სახელით დარეგისტრირებული მომხმარებელი.

თამარა ჩერგოლეიშვილი: „წინა ხელისუფლების“ ჩრდილი დაახრჩობს. მხოლოდ ეს დასკვნა შემიძლია გამოვიტანო 40-წუთიანი სიტყვიდან“.