2014-10-19 10:52

ბათუმის საგანგებო და გადაუდებელი სიტუაციების სამსახურის უფროსის, მამუკა თურმანიძის თქმით,  ძლიერი ქარისგან მოგლეჯილი ხე ქობულეთში თურქეთის მოქალაქის მანქანას დაეცა.

„შტორმის შედეგად ბათუმში, ახალი ბულვარის ტერიტორიაზე ბალასტია გამორიყული.

 ჩვენ ინფორმირებულები ვიყავით, რომ შტორმი იყო მოსალოდნელი, შესაბამისად, მცურავი საშუალებები იახტკლუბში შემოვიდნენ.

სოფელ ზვარეში მეწყერი ჩამოწვა და ხეები ჩამოიტანა, თუმცა ჩვენი სამსახურის წარმომადგენლებმა ხეებისგან ტერიტორია უკვე გაწმინდეს, საბედნიეროდ დაშავებულები არ გვყავს“, – განუცხადა “კვირას“ მამუკა თურმანიძემ.

სინოპტიკოსები შავიზღვისპირეთში გამოდარებას დღის მეორე ნახევრიდან ელოდებიან.