ინგა გრიგოლიას გადაცემაში "რეაქცია" ბიზნესმენმა ლევან ვასაძემ უსუფაშვილი, მარგველაშვილი და ღარიბაშვილი დებატებში გამოიწვია და განაცხადა, რომ თვითონ ამ დებატებზე ცარიელი ხელებით მივა, ხოლო დასახელებულ პირებს შეუძლიათ, იურიდიული სამსახურები მოამზადონ.
ამავე დროს, ლევან ვასაძე აცხადებს, რომ თავის თავზე დიდი წარმოდგენა არა აქვს, მაგრამ დებატებს მოიგებს არა იმიტომ, რომ "მაგარი ბიჭია", არამედ იმიტომ, რომ იმას იტყვის, რასაც ხალხი ფიქრობს:
"აქვე, თქვენი ეთერით მინდა ეს იდეა გავაჟღერო, მოვიდნენ სამი ერთზე და დამიჯდნენ დათო უსუფაშვილი, ჩემი ძმაკაცი გიორგი მარგველაშვილი და, ამ საზიზღარი კანონის მიუხედავად, ჯერ კიდევ რომ მესიმპათიურება, ის ირაკლი ღარიბაშვილი, თქვენ კი თქვენი საყვარელი ინტერაქტივი მოგვიწყვეთ, ოღონდ, ისეთი არა, კონჩიტამ რომ ვითომ მოიგო ევროვიზია, ნამდვილი ინტერაქტივი მოგვიწყვეთ", - განაცხადა ლევან ვასაძემ.