2015-02-10 06:33

უკრიანული სატელევიზიო შოუს ბრმა კასტინგში ის ჟიურის წევრების ვერცერთ გუნდში ვერ მოხვდა, მაგრამ საბოლოოდ მთელი დარბაზის ოვაცია და ჟიურის წევრებისგან გულში ჩაკვრა დაიმსახურა - დაიანა შავაძემ სცენიდან გამოუცხადა უკრაინელ ხალხს მხარდაჭერა და უკრაინულად იმღერა.

ჟიურის წევრები არ შემობრუნებულან: სანამ ისინი ბჭობდნენ, სადაური აქცენტი ჰქონდა მომღერალს, გოგო იყო თუ ბიჭი, უკრაინელი იყო მომღერალი თუ არა, სიმღერა დასრულდა. მოგვიანებით, ჟიურის წევრებმა, დარბაზის ერთსულოვანი მხარდაჭერის ფონზე, ინანეს, რომ არ შემობრუნდნენ. დაიანა კი სცენიდან თვალცრემლიანი, მაგრამ ამაყი გავიდა.