2014-05-23 23:08

„ქვეყანა უკან წავიდა, ეკონომიკა გაჩერებულია, ის სტაგნაციაშია, ბიუჯეტის სოციალური ნაწილი 200 მილიონითაა გარღვეული. მუქთაღორა მთავრობას დახვდა კარგი ეკონომიკა, რომელიც გამოხრეს“ - განაცხადა ზურაბ ჯაფარიძემ „რეაქციაში“.

მან ასევე დაამატა, რომ საქართველო საკუთარი სახსრებით ვეღარ აფინანსებს პროექტებს და ყოველი ახალშობილი, რომელიც ქვეყანაში იბადება, საკუთარ დაბადებას ვალით იფინანსებს.

მე თუ მაქვს შემოსავალი 1000 ლარი, თავადვე უნდა დავფარო საკუთარი ხარჯები, სახელმწიფოს დახმარება არ უნდა მჭირდებოდეს. უფასო წიგნები ყველასთვის არასწორი პოლიტიკაა და ბიუჯეტში არსებული გარღვევები სწორედ ამგვარი პოლიტიკების დამსახურებაა“ - განაცხადა ჯაფარიძემ. მან ასევე დაამატა, რომ სახელმწიფო მხოლოდ იმას უნდა ეხმარებოდეს, ვისაც საკუთარი შემოსავლებით ხარჯების დაფარვა არ შეუძლია და არა ყველას განურჩევლად, რადგან ამგვარი მიდგომა ქვეყნის ეკონომიკისათვის დამღუპველია.

„ახლანდელი მთავრობა, რომელსაც ვეხვეწებით, არაფერი გააფუჭონ, ყველაფერს აფუჭებენ, ყველა მიმართულებით."-განაცხადა ჯაფარიძემ.