2015-05-31 04:22

საპარალამენტო უმცირესობის წევრი "ერთიანი ნაციონალური მოძრაობიდან" ეკა ხერხეულიძე "ფეისბუქზე" სპორტულ-პოლიტიკურ სტატუსს აქვეყნებს. 

"ვემიჯნები მესის. მაგას უბრალოდ გაუმართლა, თორემ რა გგონიათ, სხვა ვერ გაიტანდა გოლებს?! ფეხბურთის ერთპიროვნულ მმართველად დაიმკვიდრა თავი და თავისი ხუშტურების(გოლების) პარალელურად, საერთოდ არ ფიქრობს სხვა, ნიჭიერი, მაგრამ ზარმაცი ფეხბურთელების განვითარებაზე. მოკლედ, ვემიჯნები მაგ ძაან ჩვეულებრივ ბიჭს. პ.ს-ვიცი,იდარდებს", წერს -ეკა ხერხეულიძე. 

შეგახსენებთ, დღეს ბარსელონის "კამპ ნოუზე" ესპანეთის თასის ფინალში "ბარსელონამ" ბილბაოს "ატლეტიკო" 3:1 დაამარცხა. პირველი და მესამე გოლი მატჩში ლეონელ მესიმ გაიტანა. განსაკუთრებით გამორჩეული პირველი გოლი იყო, როცა მესიმ ოთხი ფეხბურთელი მოატყუა და მარცხენა დაბალ კუთხეში გაიტანა.