2015-02-19 17:10

საქართველოს განათლების ყოფილი მინისტრი კახა ლომაია, სოციალურ ქსელში ვინმე ნინოს მუქარანარევ წერილს აქვეყნებს, რომელიც საკუთარ ფოსტაში აღმოაჩინა.

ალექსანდრე ლომაია ნინოს წერილს პირად კომენტარსაც ურთავს.

„მოკითხვა ვინმე „ნინოსგან“ ჩემს ინბოქსში (სტილი დაცულია)

„ჩემი უბნის სკოლა რატო გაყიდე შე უნამუსო ადამიანო?

125-ე საჯარო სკოლა რატომ მიყიდე კახა ბენდუქიძეს? თანაც გროშებად გაყიდე.

მარტო ამის გამო ხარ შენ ციხეში ამოსალპობი, შე არამზადა. შენს გამო ჩეემს უბნანს და მოსახლეობას არ აქვს სკოლა.

იცოდე მაგრად მძულხარ და თბილისში არსად გადამეყარო, თორემ მაგ თვალებს ამოგთხრი“ - წერს ნინო.

„როგორც ჩანს, იმ შენობაზეა საუბარი, სადაც თავის დროზე თავისუფალი უნივერსიტეტი დაფუძნდა და ახლა ნიუტონის სკოლაა განთავსებული.

სამწუხაროდ, მე არ გამიყიდია. სახელმწიფო საკუთრებაში არსებულ ქონებას ეკონომიკის სამინისტრო განკარგავს.

თან უნივერსიტეტი მანდ 2009 თუ 2010 წელს დაფუძნდა, მე კი მინისტრობა 2007-ში დავასრულე.

ნეტავ კიდევ რამდენიმე შენობა ეყიდა კახა ბენდუქიძეს და კიდევ რამდენიმე კარგი საგანმანათლებლო კერა გაეკეთებინა, ასეთი „ნინოები“ ნაკლები გვეყოლებოდა", - წერს კახა  ლომაია.