2020-03-16 15:03

“ახალი მიღებული ბრალდებულები, ე.წ. საკარანტინო სივრცეში 21 დღეს გაატარებენ”, – ამის შესახებ ინფორმაციას სპეციალური პენიტენციური სამსახური ავრცელებს. უწყების ცნობით, ე.წ. მიმღებ ციხეებში, ახალგადმოყვანილ ბრალდებულთა სამედიცინო შემოწმება პენიტენციური დაწესებულებების შენობის გარეთ, სპეციალურად მოწყობილ სამედიცინო პუნქტში ხორციელდება. ასეთი დაწესებულები, N5 – ქალთა, N8 – გლდანის საპატიმრო და N2 – ქუთაისის საპატიმროშია.

“თუ ბრალდებულს არანაირი სიმპტომატიკა არ აღენიშნება, ამასთან არც თავად და არც მის ახლობლებს უახლოეს წარსულში უცხოეთში მოგზაურობის ისტორია არ აქვს, მაშინ იგი პენიტენციურ დაწესებულებაში ე.წ. საკარანტინო ზონაში თავსდება, სადაც 21 დღეს გაატარებს”, – აცხადებენ პენიტენციურ სამსახურში.