2016-08-04 21:08

"როცა ახალი სიძე ვიყავი, მოყვრებში რო ავდიოდი, ჩემ ცოლთან ვიღებდი სურათებს, ახლა 40 წელია, ჩემ ცოლთან არ გადამიღია სურათი და რა ძროხასთან გადაღებას მთხოვენ?", - ასე გამოთქვამენ უკმაყოფილებას იმერეთის მაღალმთიან სოფლებში მცხოვრებლები "მოამბესთან" საუბრისას. 

შეგახსენებთ, მაღალმთიანი სოფლის მცხოვრების სტატუსის მისაღებად მუნიციპალიტეტები სოფლებში მცხოვრებლებისგან ძროხებთან, ქათმებთან, სათიბში გადაღებულ ფოტოებს ითხოვენ. 

"მაშინვე მივხვდი, რომ საცინრად გვიგდებდნენ, არ გადავიღე!", - ამბობს ერთი ქალბატონი, მეორე კი კითხულობს: "რა საბუთი უნდათ, არ ვიცი, ვცხოვრობთ, ვარსებობთ, ვართ აქა და...".