2015-06-16 10:47

„ასეთ მომენტებში განსაკუთრებით მეზიზღება სამყარო“! - წერს სოციალურ ქსელში ინდირა ზარანდიას თანამშრომელი, ჟურნალისტი გოგა ქუცნიაშვილი. სტიქიის შედეგად დაღუპული 22 წლის გოგონა „საქართველოს ხმის" საინფორმაციო გამოშვების წამყვანი გახლდათ. 

გოგა ქუცნიაშვილი: „მეზიზღება ის განუკითხაობა, რომელიც ჩამპალ სამყაროში სუფევს. ტკვილი, ბოღმა, უსამართლობა...

ყველაფერი დეტალურად მახსოვს... როგორ გიხაროდა ჩემი რადიოში გამოჩენა, როგორ გადაგეკვრებოდა სახეზე უნებური ღიმილი ჩემს დანახვაზე, როგორ მეუბნებოდი, რომ ძალიან კარგი საღამო გველისო, როგორ ავტომატურად ასრულებდი ყველა ჩემს თხოვნას, როგორ ურეკავდი ყოველ საღამოს დედას: "დეე, ცოტა ხანში გამოვალ სამსახურიდან და ხო იცი, რომ გემრიელობა უნდა დამახვედრო" ...

ესაა სამართალი? რატომ უნდა ხდებოდეს მსგავსი ფაქტები, ვერ ვხვდები... რატომ უნდა მიდიოდნენ ამ ქვეყნიდან ის ადამიანები, რომლებსაც სიცოცხლე ყველაზე მეტად უნდათ, ყველაზე მეტად უხარიათ, ყველაზე დიდი ხალისი აქვთ...

ნეტავ საერთოდ არ მცნობოდი... არ მცოდნოდა რომ არსებობდი... არ მცოდნოდა როგორი იყავი...

წვიმას როგორ უნდა წაერთმია შენი თავი... კიდევ ვერ ვხვდები...

ქვა ვარ...სიტყვები არ მყოფნის იმ ტრაგედიისა და ტკივილის გადმოსაცემად, რასაც განვიცდი...

ღმერთმა ნათელში გამყოფოს, ინდი. უფალი იყოს შენი მფარველი..."