დღეს, "ახალი პოლიტიკური ცენტრი გირჩი-ს" კიდევ ერთი რაიონული ოფისი, ამჯერად ზესტაფონში გაიხსნა, სადაც ზურა ჯაფარიძემ ზესტაფონის ორგანიზაციის ხელმძღვანელად ყველასთვის ცნობილი, წარმოშობით ზესტაფონელი ნიკა ქავთარაძე წარადგინა.
"ჩვენ ვაგრძელებთ ოფისების გახსნას რაიონებში და ეს, პირველ რიგში, აუცილებელია აქ მცხოვრები მოსახლეობის პრობლემების მოსასმენად და მათთან საკომუნიკაციოდ" - განაცხადა ზურა ჯაფარიძემ.
"ზესტაფონის ორგანიზაციის ხელმძღვანელად დაინიშნა ასევე ზესტაფონელი ნიკა ქავთარაძე, რადგან ამ ადამიანს ყველაზე კარგად ესმის ზესტაფონელების და იცის მათი პრობლემები", - განაცხადა გოგი მელაძემ.
"ეს ოფისი ყოველთვის ღიაა თითოეული ზესტაფონელისთვის და ნებისმიერ ადამიანს შეუძლია მოვიდეს, მოგვიყვეს პრობლემების შესახებ, გვითხრას ახალი იდეები, ჩაერთოს ცვლილებების პროცესში, რაც ვფიქრობ, ძალიან მნიშვნელოვანია როგორც მათთვის, ასევე "ახალი პოლიტიკური ცენტრი "გირჩისთვის", - განაცხადა ნიკა ქავთარაძემ.
