2016-08-01 07:22

2003 წელს რუსთავის მაშინდელ მეორე სასჯელაღსრულების (ახლანდელი მე-17) დაწესებულებაში მომხდარ კურიოზულ და ტრაგიკულ შემთხვევებს, როგორც ბაჩო ახალაიას მიერ სასჯელაღსრულების სისტემაში გატარებულ რეფორმამდელ პერიოდს იხსენებს ლევან თორია. 

მისი თქმით, 2002-2003 წლებში, ასევე, ხელისუფლების შეცვლის შემდეგ პირველ ეტაპზე ციხეებში წარმოუდგენელი რამ ხდებოდა.

მაგალითად, 2002 წელს, ე.წ. კანონიერი ქურდის გია გოგელიანის ორგანიზებით, კრიმინალურმა ავტორიტეტებმა მოაწყვეს თავდასხმა სადარაჯო კოშკის გუშაგზე და ავტომატის ჯერით მოკლეს ის, რის შემდეგაც დაწესებულებიდან 140- ზე მეტი პატიმარი გაიქცა.

2003 წელს, უკვე იმ დროს, როცა შს მინისტრი კობა ნარჩემაშვილი იყო, რუსთავის დაწესებულებაში მსოფლიო მასშტაბის კურიოზი - ავტოსაგზაო შემთხვევა მოხდა, რაც იმაში გამოიხატა, რომ ე.წ. კანონიერი ქურდები, რომლებიც ადმინისტრაციის ნებართვით შიდა ტერიტორიაზე მანქანით სეირნობდნენ, გადაჭარბებული სიჩქარის გამო ციხის კედელს შეეჯახნენ და დაზიანდნენ. ამ დროს სასჯელაღსრულების ამ დაწესებულების დირექტორი ვინმე ზამბახიძე იყო.

„2003 წლამდე, ციხეში, გაგიკვირდებათ და ავტოსაგზაო შემთხვევაც კი მომხდარა, დიახ, შიგნით, ციხეში...

პატიმრები ავტომატებით გადაადგილდებოდნენ და დაუმორჩილებელ ტუსაღებს ავტომატის ჯერითაც ხშირად ცხრილავდნენ. ციხეებში იმართებოდა აზარტული თამაშები, რაშიც "უბრალო" პატიმრები იყვნენ ჩართულნი, ციხის მაყურებლების და "ავტორიტეტების" ბრძანებით - კაი დედის შვილი იყავი და აბა არ "ჩაგებარებინა თავანი", გაუპატიურება მერე გენახათ თქვენ.

სწორედ ციხიდან იმართებოდა კრიმინალი - სატალეფონო კავშირით ბიზნესმენების დაშანტაჟება, სხვადასხვა კრიმინალური დავალებების გაცემა. იკრიბებოდა ციხეში და ციხიდან გარეთ ე.წ. ობშიაკი, რომლის საერთო თანხა, თვეში ნახევარ მილიონს აღწევდა (ამ თანხის ნახევარს, ბაჩო ახალაიას სთავაზობდნენ "ქურდები" სტატუს ქვოს შესანარჩუნებლად. რა პასუხიც მიღეს ბაჩოსგან იცით), რაშიც კრიმინალურ ავტორიტეტებთან ერთად, ციხეების ადმინისტრაციაც იყო გარეული.

ც

იხეებში თავისუფლად შედიოდა ნარკოტიკი. მოკლედ, ციხე იყო ადგილი, არა სასჯელის მოხდის, არამედ გამდიდრების, უბრალო პატიმრებზე ძალადობის, კრიმინალის მართვის და არცერთ შემთხვევაში სასჯელის მოხდის. ციხიდან, თბილისის გოგირდის აბანოებში გასვლაც არ წარმოადგენდა პრობლემას...

აი, ეს მოშლილი სისტემა საათივით ააწყო 26 წლის ბაჩო ახალაიამ - ზემოთ ჩამოთვლილი მავნე თვისებები სისტემას მოაშორა და სასჯელაღსრულება გამართულ სახელმწიფო ინსტიტუტად აქცია, დისციპლინით და მართვის, კრიმინალებიდან ადმინისტრაციის ხელში გადასვლით. კრიმინალი, რომელიც მოედინებოდა ციხიდან და სკოლებშიც კი აღწევდა "ობშიაკის" სახით, წარსულს ჩაბარდა.

თუ ვინმეს, საწინააღმდეგო აქვს სათქმელი ბედუკაძის ქეისით, ვეტყვი რომ, ჯერ ერთი ის კადრები 2011 წლისაა, როცა ბაჩო აღნიშნული სისტემიდან 3 წლის წამოსული იყო და თან, დადგმული გახლდათ, ფსიქიკურად შეშლილ პატიმრებზე გადავლილი ინსცენირება“, - წერს ლევან თორია „ფეისბუქზე“.