2016-04-16 11:37

დღეს, 15:00 საათზე, ფილარმონის დიდ საკონცერტო დარბაზში გაიმართება "ახალი პოლიტიკური ცენტრი - გირჩის" სადამფუძნებლო კრება. კრებაზე დასწრება თავისუფალია. ფილარმონიის დარბაზს ყრილობისთვის ამ წუთებში ამზადებენ.

"16 აპრილს, 3 საათზე, ყველა დროის - ყველაფრისგან განსხვავებული ‪"გირჩი‬" ფუძნდება, არაგანსხვავებულ ფილარმონიაში. 

წარმატებას ვუსურვებ ყველა გირჩელს, თანამოაზრეს და გულშემატკივარს", - წერს "გირჩის" ერთერთი ლიდერი გოგა ხაჩიძე. 

"გირჩის" ყრილობამ ინტერესი იმ ჟურნალისტებს შორისაც გამოიწვია, რომლებიც ადგილზე რეპორტაჟის მოსამზადებლად არ მიდიან. მაგალითად, ინგა გრიგოლია წერს, რომ გადაწყვიტა, ყველა პარტიის ყრილობას დაესწროს, მოუსმინოს და დააკვირდეს, ამიტომაც აუცილებლად მივა "გირჩის" ყრილობაზე:

"გადავწყვიტე ,ყველა პარტიის ყრილობას დავესწრო, მოვუსმინო და დავაკვირდე, რა საზოგადოება იქნება წარმოდგენილი და ყურადღებით მოვისმინო ყველა მთავარი მესიჯი...ერთია,რასაც სხვა ჟურნალისტებისგან ვიგებ ნიუსებიდან და მეორეა-საკუთარი თვალით ნანახი...ხოდა,გაშუქების ობიექტურობისთვის მივიღე ეს გადაწყვეტილება...

რომ ემოციების და პირადი სიმპათია-ვერ ატანის მიღმა მოვისმინო ყველა მთავარი ფიგურანტი პოლიტიკური ჯგუფის წინასაარჩევნო პროგრამა და დაპირებები....ხოდა, თუ გადაცემების დღეს არ დაემთხვევა, ყველას ყრილობას უნდა დავესწრო....ხვალიდან ვიწყებ... ,,გირჩის,, ყრილობაა ხვალ და მივდივარ...

ხოლო ჩემს ერთადერთ საარჩევნო ხმას, დიდი აწონ-დაწონვით მივცემ მას, ვისი პროგრამაც ყველაზე მისაღები და დამაჯერებელი აღმოჩნდება....".