-
2014-03-17 11:37
ყირიმის პროკურატურამ „მემარჯვენე სექტორის“ ლიდერის მიმართ სისხლის სამართლის საქმე აღძრა. საქმე აღძრულია ასევე ამ სექტორში შემავალი ორგანიზაცია „ბრატსტვოს“ ლიდერის წინააღმდეგ.
როგორც „მაიაკი“ იტყობინება, ამის მიზეზი რადიკალური ორგანიზაციების მიერ გავრცელებული მოწოდებებია, რომლებიც ომის პროპაგანდასა და ყირიმში ცალკეული ადამიანების განადგურების შესახებ მოწოდებებს შეიცავს.
შეგახსენებთ, რომ დიმიტრი იაროში და დიმიტრი კორჩისენკო რადიკალური განცხადებებით გამოირჩევიან.
შეგახსენებთ დიმიტრი იაროშის მოთხოვნებს:
უკრაინის შავი ზღვის ფლოტის შეიარაღებისა და სატრანსპორტო საშუალებების დაუყოვნებლივ მომზადება განადგურებისთვის, რათა ის არ მოხვდეს მტრის ხელში.
საყოველთაო მობილიზაციის გამოცხადება.
შეიარაღებული ძალების სპეცდანიშნულების რაზმების რეზერვისტ ოფიცერთა მიერ დივერსიული ბატალიონის შექმნა, რომელიც უზრუნველყოფს დივერსიულ აქტებს მტრის ტერიტორიაზე.
მტრის სამხედრო ნაწილების სავარაუდო გადაადგილების გეგმის შექმნა და ოპტიმალური ადგილების გამოვლენა წერტილოვანი დარტყმებისთვის, რათა გამოირიცხოს მტრის მხრიდან ბლიცკრიგის განხორციელება.
იაროშმა ამ მოთხოვნების შესრულება უკრაინის ხელისუფლებისგან მოითხოვა, წინააღმდეგ შემთხვევაში განაცხადა, რომ დამოუკიდებლად ააფეთქებს ნავთობსადენსა და გაზსადენებს, რათა რუსებმა ვერ შეძლონ დასავლეთში ნავთობისა და გაზის ტრანზიტი, ვერ მიიღოს შესაბამისი თანხა და ოკუპანტთა ფეხქვეშ მიწა იწვოდეს.