2014-03-08 10:52

"რუსეთში ქართველთა კავშირის" პრეზიდენტის, ზუგდიდელი ბიზნესმენის მიხეილ ხუბუტიას განცხადებებს იმის თაობაზე, რომ 2008 წელს ომი საქართველომ დაიწყო, ხოლო ვლადიმირ პუტინისა და ირაკლი ღარიბაშვილის შეხვედრა აუცილებელია, სოციალურ ქსელში ზუგდიდელები გამოეხმაურნენ.

დავით ფარცვანია წერს, რომ ის, როგორც საქართველოს მოქალაქე და ახალგაზრდა ზუგდიდელი, შეურაცხყოფილია მიხეილ ხუბუტიას გამონათქვამების გამო:

“ აღმოჩნდა, რომ ზუგდიდში, უბრალო ოჯახში დაბადებული ბიჭი, მილიონერი მიხეილ ხუბუტია ორ ქვეყანას შორის ურთიერთობების დასალაგებლად ძალიან ბევრს შრომობს! …

მე, როგორც საქართველოს ახალი თაობის წარმომადგენელს, როგორც ზუგდიდელს, მრცხვენია, რომ მსგავსი ტიპის ერთუჯრედიანი ამებები თითის ქნევით გველაპარაკებიან და “გვირჩევენ” რუსეთთან მეგობრული ურთიერთობის დამყარებას!..

მაგრამ, გავითვალისწინოთ, რომ სამხედრო აგრესიაზე ბევრად საშიშია არაპირდაპირი გზით რუსეთის მონაწილეობა ქვეყნის შიდაპოლიტიკაში და ქვეყანაში არასტაბილურობის წახალისება. სწორედ, მსგავსი ტიპის პროექტია მიხეილ ხუბუტია, რომელიც პირადად ჩემთვის ბირთვულ იარაღზე უფრო საშიშიაა, რადგან მან დღეს ქართველი ხალხი შეურაცხყო, გაგვთელა და ფეხით გადაგვიარა!….

ერთხელ და სამუდამოდ დავიმახსოვროთ, რომ რუსეთს არ ყავს მეგობრები, რუსეთს ყავს აგენტები ან მტრები და ჩემო მიხეილ, შენ როგორც რუსეთის პოლიტიკის გამტარებელს საქართველოში, აღარ განგიხილავ როგორც ქართველს, შესაბამისად შეგიძლიათ შენ და მთელმა კრემლმა მტრად აღგვიქვათ მთელი საქართველო, გარდა გამონაკლისებისა, რომლებიც თქვენგან ხურდა ფულის მოწყალების გაღების იმედით ამაყად გიცავდნენ დღევანდელ გადაცემაში!….

ჩემო მიხეილ, თქვენთვის ჯერ ყველაფერი მარტივადაა, ჯერ კიდევ იღებთ ხმას თქვენ, ლევან პირველები, ნინო ბურჯანაძეები, მაგრამ ყველაფერი დროებითია და გახსოვდეთ მიხეილ, ნინო, ლევან, რომ ყველაზე დიდი სიძნელეები იწყება სწორედ იქ, სადაც ყველაზე ნაკლებად მოელით!!!………

p.s ვაზს ეცოტავა თავისი მხარე, მესერზე გადავიდა, ქუჩის მიღმა მოეჭიდა სხვა ღობეს. მაშინ გამვლელებმა ის გადაჭრეს! … ამიტომაც, ჯობია მიხედოთ თქვენს ბიზნეს საქმიანობას, ვიდრე თითის ქნევით “ჭკუა გვარიგოთ”; გაიგეთ, რომ არ ვცხოვრობთ რუსეთში, გაიგეთ, რომ ჩვენ თავისუფალი საქართველოს, თავისუფალი მოქალაქეები ვართ!

ნუ შეუქმნით საქართველოს მომავალს საფრთხეს, არ ენდოთ მიხეილ ხუბუტიას მსგავს არსებებს!…
პატივისცემით,

მიხეილ ხუბუტიასგან შეურაცხყოფილი საქართველოს მოქალაქე”, – წერს დავით ფარცვანია.