2016-08-10 01:07

თბილისში, ვაჟა-ფშაველას მე-7 კვარტალში მდებარე საცხოვრებელ კორპუსებთან, ერთერთ ავტოფარეხში გაჩენილი ხანძარი გვერდით მდებარე ნაგებობებს გადაედო. ადგილზე ამ დრომდე მობილიზებულია სახანძრო და სამედიცინო ბრიგადები. 

"აფხაზეთის ხმას" მიაწოდეს ფოტო და ვიდეომასალა, სადაც ჩანს, რომ ხანძრის კერა ისევ მძლავრია. თვითმხილველთა ცნობით, მინიმუმ, ხუთი ავტოფარეხი და ავტოფარეხში დაყენებული ავტომანქანები იწვის, ხანძრის ლოკალიზება კი ამ დრომდე ვერ ხერხდება.

"ახლა, ამ წუთებში, ავტოფარეხების სახურავების ე.წ. "ბალგარკით" გაჭრას ცდილობენ, რომ წყალი ზემოდან ჩაუშვან, სიტუაცია ჯერაც არ ექვემდებარება კონტროლს", - უთხრეს "აფხაზეთის ხმას" მე-7 კვარტლის მცხოვრებლებმა.