2016-08-09 08:25

კარალეთელი ძიუდოისტი ლაშა შავდათუაშვილი რიოს ოლიმპიადის ბრინჯაოს პრიზიორი გახდა. ბრინჯაოს მედლისთვის გამართულ ორთაბრძოლაში მან ებრაელი საგი მუკი დაამარცხა, მანამდე კი რეპეშაჟში რუს დიმიტრი იარცევს მოუგო.

სწორფედ იარცევთან გამარჯვება და შავდათუაშვილის ჟესტი - საქართველოს დროშაზე მინიშნება რუსი ძიუდოისტისთვის გახდა მთავარი განხილვის საგანი საქართველოში. შავდათუაშვილს გამარჯვებას ულოცავენ და მადლობას უხდიან.

როგორც ჟურნალისტი გოგა აფციაური წერს, ემოციური იყო ლაშა შავდათუაშვილის გულშემატკივრობა მის მშობლიურ რეგიონში და ქალაქ გორშიც. 

"პირველი მედალი ოლიმპიური თამაშებიდან ლაშა შავდათუაშვილმა მოგვიტანა. გორელები თეატრის სკვერში ვგულშემატკივრობდით, მერე მასთან სახლში მივედი ლაშა ჯერ კვარცხლბეკზეც არ იყო ასული, რომ დედას დაურეკა, ძალიან ემოციური საღამო იყო, პაპამ თქვა, რომ დღეს 8 აგვისტოა და იქიდან უმედლოდ წამოსვლა არ გამოვიდოდა, თან რუს ძიუდოისტთან მოგებული ბრძოლა შეაფასა..."