საქართველოს შს მინისტრი ვახტანგ გომელაური აცხადებს, რომ ეკონომიკის სამინისტროს მხრიდან ორი ფრანგული ვერტმფრენის "სუპერ პუმას" შს სამინისტროსთვის გადაცემის პროცესი უკვე დაწყებულია.
მინისტრის განცხადებით, სტიქიის დროს ამ ვერტმფრენებს ვერ გამოიყენებდნენ, რადგან ისინი ეკონომიკის სამინისტროს მიერ გაჩერებული იყო ორი წლის განმავლობაში და მათი ტექნიკური გამართულობა ეჭვის ქვეშ იდგა:
"შესასრულებელი იყო ტექნიკური შემოწმება, რადგან ისინი ორი წლის განმავლობაში გაუნძრევლად იდგა, ამას გარდა, ჩვენ, შს სამინისტროს გვყავს ვერტმფრენები, მაგრამ მათ ვერ გამოვიყენებდით, რადგან იყო ღამე, წვიმდა და იყო მოღუბლული, ამიტომ, ბიჭების სიცოცხლეს ვერ გავრისკავდით", - თქვა ვახტანგ გომელაურმა. მისივე თქმით, "სუპერ პუმას" ვერტმფერენებს, მათი გადმოცემის შემდეგ სამინისტრო სამაშველო ოპერაციებისთვის, ასევე, საზღვარზე გამოიყენებს.