2015-03-09 08:45

აჭარის უმაღლესი საბჭოს წევრის, ჯემალ ფუტკარაძის განცხადებით, მისი და პრემიერ-მინისტრის, ირაკლი ღარიბაშვილის შეხვედრა დაძაბულ ვითარებაში მიმდინარეობდა.

მისი თქმით, ღარიბაშვილი მოითხოვდა, ფუტკარაძეს არ წამოეყენებინა აჭარის უმაღლეს საბჭოში ვიცე-სპიკერის თანამდებობაზე თავისი კანდიდატურა.

„ღარიბაშვილი ჩემგან ითხოვდა, რომ შემეცვალა გადაწყვეტილება. მე მას ვუთხარი, რომ ბატონო პრემიერ-მინისტრო, დამთავრდა დრო როდესაც თბილისიდან ვინმეს ხელდასმით მოხდებოდა თანამდებობის პირის დანიშვნა,"- აცხადებს ჯემალ ფუტკარაძე.

კოალიცია "ქართული ოცნების" ყოფილი წევრის განცხადებით, მასთან ერთად პრემიერ-მინისტრთან შეხვედრაზე აჭარის უმაღლესი საბჭოს დეპუტატი სვეტლანა კუდბაც იმყოფებოდა,  რომელიც შეხვედრის მიმდინარეობის დროს ცუდად გახდა. 

http://rustavi2.com/