დღეს ჩვენი ჯარისკაცები ღირსეულად აგრძელებთ საამაყო წინაპრების მხედრულ ტრადიციას, რომელიც სამშობლოს სიყვარულს, ღირსებას და მებრძოლ სულს ემყარება.

თითოეულ ქართველს, საქართველოს თითოეულ მოქალაქეს, საზღვარგარეთ მცხოვრებ თითოეულ ჩვენს თანამოქალაქეს, აფხაზ და ოს ძმებს მინდა მივულოცო 26 მაისი უდიდესი რწმენით, რომ ჩვენ ერთად შევძლებთ ჩვენი ქვეყნის მშენებლობას, წარმატებული სახელმწიფოს შექნას,-ამის შესახებ პრემიერ-მინისტრმა გიორგი გახარიამ ვაზიანში, საქართველოს დამოუკიდებლობის დღესთან დაკავშირებით გამართულ ღონისძიებაზე განაცხადა.

ვფიქრობთ, რომ ჩეხეთი იქნება ერთ-ერთი პირველი ევროპული სახელმწიფო, ვისთანაც ძალიან სწრაფად აღვადგენთ ტურისტულ მიმოსვლას, - განაცხადა ეკონომიკისა და მდგრადი განვითარების მინისტრმა ნათია თურნავამ საქართველოში ჩეხეთის ელჩთან, პეტერ მიკისკასთან შეხვედრის შემდეგ.

"ჰერალდიკის საბჭო" მოქალაქეებს საქართველოს დამოუკიდებლობის დღეს ულოცავს. ამასთან, "ჰერალდიკის საბჭო" სახელმწიფო სიმბოლოების აღმართვის, გამოფენის და გამოსახვის წესებზე ინფორმაციას ავრცელებს.

სომხეთში ბოლო 24 საათის განმავლობაში, კორონავირუსის 289 ახალი შემთხვევა გამოვლინდა და საერთო ჯამში ინფიცირებულთა რაოდენობამ 7402-ს მიაღწია. ამასთან, ქვეყანაში, უკანასკნელი დღე-ღამის განმავლობაში 4 ადამიანი გარდაიცვალა და ამ მონაცემით, ვირუსით დაღუპულთა რიცხვი ქვეყანაში 91-მდე გაიზარდა.

„სოციალ-დემოკრატები" საქართველოს მოქალაქეებს დამოუკიდებლობის აღდგენის დღეს ულოცავენ. როგორც მათ მიერ გავრცელებულ განცხადებაშია აღნიშნული, მიმდინარე პანდემიის ფონზე, კიდევ უფრო აშკარაა, რომ დამოუკიდებლობა მთელი ქვეყნის ერთიან მოქმედებას მოითხოვს.

ხაზი უნდა გავუსვა იმას, რომ საქართველოს საგანგებო მდგომარეობის გამოცხადების მიუხედავად, არც ერთ ეტაპზე არ დაურღვევია დემოკრატიის პრინციპები, - ამის შესახებ პრეზიდენტმა სალომე ზურაბიშვილმა ვაზიანის სამხედრო ბაზაზე, საქართველოს დამოუკიდებლობის აღდგენისადმი მიძღვნის ღონისძიებაზე სიტყვით გამოსვლისას განაცხადა.

ევროკავშირის ელჩი საქართველოში კარლ ჰარცელი, საქართველოს დამოუკიდებლობის დღეს ულოცავს. მისი თქმით, ევროკავშირი ამაყობს საქართველოს გვერდით დგომით და იმით, რომ ქვეყნის სუვერენიტეტისა და ტერიტორიული მთლიანობის მხარდამჭერია.

დღეს უჩვეულო 26 მაისია, საზოგადოებას არ ეძლევა საშუალება, თავდაცვის ძალებთან ერთად, სრულფასოვანი მონაწილეობა მიიღოს დამოუკიდებლობის დღის აღნიშვნაში, - ამის შესახებ საქართველოს პრეზიდენტმა სალომე ზურაბიშვილმა განაცხადა.

საქართველოში კორონავირუსით ინფიცირების შემთხვევათა რაოდენობა 1-ით გაიზარდა და 732 გახდა. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული. გამოჯანმრთელებულთა რაოდენობა კი 11- ით გაიზარდა და 537 გახდა.