პრემიერმინისტრმა ირაკლი ღარიბაშვილმა განაცხადა, რომ თბილისში პირველივე ტურში გამარჯვება მოიპოვა „ქართული ოცნების“ მერობის კანდიდატმა დავით ნარმანიამ.

მეორე ტურის მაღალი ალბათობაა  თბილისში, წინასწარი მონაცემებით, მეორე ტური შესაძლოა ჩატარდეს, თელავში, გორში, ბათუმში, რუსთავსა და ქუთაისში,-ამის შესახებ ,,ნაციონალური მოძრაობის" ერთ–ერთი ლიდერი გიგი უგულავა აცხადებს.

ტელეკომპანია ,,იმედზე“ გამოქვეყნებული ეგზიტპოლის შედეგით თბილისში  მერობის კანდიდატთა შორის, დავით ნარმანია ლიდერობს– 51.2 %, ნიკა მელია–24.7%, დიმიტრი ლორთქიფანიძე– 10.8%, ირმა ინაშვილი- 5.8%.

„რუსთავი-2“-ის მიერ დაკვეთილი ეგზიტპოლის შედეგების მიხედვით თბილისში დავით ნარმანიამ 46, 3% მიიღო, ნიკა მელიამ 27,2%, დიმიტრი ლორთქიფანიძემ კი 10, 4%.

უბედური შემთხვევა თბილისში, მოსკოვის გამზირზე მოხდა. დაახლოებით 35 წლის მამაკაცმა 5 წლის დისშვილი შანდლით მოკლა და შემდეგ ვენები გადაიჭრა. 

ახალციხეში 37–ე საარჩევნო უბანზე მე–5 ოლქში  ორი უცნობი ადამიანი ამომრჩევლებს აღრიცხავს. მათ აქვთ სპეციალური ინსტრუქცია, თუ როგორ უნდა აღნუსხონ საათების მიხედვით უბანზე შესული ამომრჩეველი,–ინფორმაციას ,,სამხრეთის კარიბჭე“ აქვეყნებს.

ამ არჩევნებთან დაკავშირებით უკვე შეიძლება ითქვას, რომ იგი ბევრად უარეს გარემოში ჩატარდა ვიდრე 2010, 2012 და 2013 წლებში , - ამის შესახებ "ერთიანი ნაციონალური მოძრაობის" ერთ-ერთმა ლიდერმა გიორგი ბარამიძემ განაცხადა. მისი თქმით, ეს ქვეყნის დემოკრატიულ განვითარებას დიდ ზიანს აყენებს. 

ქუთაისის 43-ე საარჩვენო უბანზე ბუნებრივმა აირმა გაჟონა, რის შედეგადაც ხმის მიცემის პროცესი რამდენიმე წუთით შეწყდა. აუცილებელი გახდა სასწრაფო დახმარების გამოძახება, რადგან უბანზე მყოფმა რამდენიმე ადამიანმა თავი შეუძლოდ იგრძნო. 

"ქართული ოცნების" ცენტრალურ ოფისში მინისტრთა კაბინეტის წევრები იკრიბებიან. შტაბში სულ ცოტა ხნის წინ ჯანდაცვის მინისტრი დავით სერგეენკო მივიდა. როგორც მან ჟურნალისტებს განუცხადა, არჩევნები მშვიდ და წყნარ გარემოში მიმდინარეობს.

საარჩევნო უბნებზე მომხდარი კურიოზული შემთხვევები, რომლებიც სხვადასხვა ადგილობრივი კორესპონდენტებისა და თავად ამომრჩევლებისგან გახდა ცნობილი: