საქართველოს პრემიერ-მინისტრმა ყველა რეგიონის ხელმძღვანელ პირებთან, ვიდეოკონფერენციის საშუალებით, ქვეყანაში საგანგებო მდგომარეობით დაწესებული აკრძალვების აღსრულების პროცესი განიხილა.

ალავერდის მონასტერში აღდგომის დღესასწაულისთვის ემზადებიან. ტაძრის მიმდებარედ დამონტაჟებულია ხმოვანი აპარატურა და თეთრი საღებავით მონიშნულია ადგილები, სადაც მრევლი განთავსდება.

იერუსალიმში, მაცხოვრის საფლავზე, წმინდა ცეცხლი გადმოვიდა.

სომხეთში, ბოლო დღე-ღამის მანძილზე კორონავირუსის 47 ახალი შემთხვევა გამოვლინდა და საერთო ჯამში ქვეყანაში ინფიცირებულ პაციენტთა რაოდენობამ 1248-ს მიაღწია.

ქვემო ქართლის სახელმწიფო რწმუნებულის, შოთა რეხვიაშვილის განცხადებით, ბოლნისში კორონავირუსით ინფიცირების ორი ახალი შემთხვევა დაფიქსირდა, კიდევ 30 ადამიანის ტესტის პასუხს კი ელოდებიან.

ქართველი კინორეჟისორი, სცენარისტი, მსახიობი, მხატვარი და პოეტი რეზო ესაძე 86 წლის ასაკში გარდაიცვალა. ამის შესახებ ინფორმაცია  საქართველოს კულტურის პალატის პრეზიდენტმა დავით ოქიტაშვილმა დაადასტურა.

სააღდგომო ლიტურგია ყოვლადწმინდა სამების საკათედრო ტაძარში დღეს, 23:00 საათზე დაიწყება. როგორც  საპატრიარქოში განაცხადეს, სამების საკათედრო ტაძარში 22:00 საათზე წაკითხული იქნება შუაღამის ჟამი, ხოლო 23:00 საათზე მიბრძანდება უწმინდესი და უნეტარესი სრულიად საქართველოს კათოლიკოს-პატრიარქი ილია II. ამის შემდეგ დაიწყება ლიტანიობა და სააღდგომო საღვთო ლიტურგია.

კომპანია „ჯორჯიან ეარვეისმა“ საქართველოს საგარეო საქმეთა სამინისტროს მიმდინარე წლის 12 აპრილის ბერლინი-თბილისი რეისზე ბილეთების ელექტრონული რეალიზაციის პროცესში საეჭვო შესყიდვის მცდელობის ფაქტის დაფიქსირების თაობაზე შეატყობინა, - ამის შესახებ „აფხაზეთის ხმას" საგარეო უწყებიდან აცნობეს.

თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის, ლევან რატიანის განცხადებით, დღეს საავადმყოფოდან ერთი გამოჯანმრთელებული პაციენტი ეწერება, კლინიკაში მკურნალობას კი 88 ინფიცირებული პაციენტი აგრძელებს.

თურქეთის 31 პროვინციაში 48-საათიანი კომენდანტის საათი დაწესდა. ზომა ქვეყნის მთავრობამ კორონავირუსის გავრცელების შეკავების მიზნით მიიღო. შინაგან საქმეთა სამინისტროს ინფორმაციით, კომენდანტის საათი არ ეხება მხოლოდ საცხობებს, საავადმყოფოებს, აფთიაქებს და იმ სამუშაო ადგილებს, სადაც სამედიცინო პროდუქტებს აწარმოებენ.