რუსეთის პრეზიდენტმა ვლადიმირ პუტინმა ფედერაციის საბჭოში მიმართვა წარადგინა უკრაინაში საზოგადოებრივ-პოლიტიკური სიტუაციის ნორმალიზაციამდე რუსეთის ფედერაციის შეიარაღებული ძალების გამოყენების შესახებ.

სევასტოპოლში, ადმირალ ნახიმოვის სახელობის მოედანზე პრორუსულად განწყობილმა ადგილობრივმა მოსახლეებმა და სხვადასხვა ქალაქიდან ჩაყვანილმა რუსმა ახალგაზრდებმა მიტინგი ჩაატარეს.

რუსეთის ფედერაციის საბჭოს სპიკერი ვალენტინა მატვიენკო არ გამორიცხავს, რომ ყირიმში რუსეთმა არმიის შეზღუდული კონტინგენტის შეყვანა გადაწყვიტოს, თუმცა, აცხადებს, რომ ეს პრეზიდენტის გადასაწყვეტია.

რუსეთის სადესანტო ხომალდი „ზუბრი“ (საჰაერო ბალიშებით) ფეოდოსიის სავაჭრო პორტში შევიდა. ამის შესახებ ადგილობრივი ჟურნალისტები იტყობინებიან.

გავრცელებული ინფორმაციით, პრორუსულად განწყობილი აქტივისტები დნეპროპეტროვსკის საოლქო ადმინისტრაციის შენობის შტურმისთვის, უკრაინელი პატრიოტები კი მათ მოსაგერიებლად ემზადებიან.

პრორუსულად განწყობილი აქტივისტები ამ დროისთვის დონეცკის საოლქო ადმინისტრაციის შენობის შტურმში მონაწილეობან.

უცნობმა შეიარაღებულმა პირებმა, სავარაუდოდ, რუსმა ჯარისკაცებმა სიმფეროპოლში მდებარე ყირიმის სახელმწიფო ავტოინსპექციის მთავარი სამმართველოს შენობა აიღეს.

ვენესუელის საგარეო საქმეთა მინისტრმა ელიას ჰაუამ განაცხადა, რომ დაუშვებელია რუსეთის სამხედრო ბაზების განთავსება ვენესუელის ტერიტორიაზე. ამის შესახებ „რია ნოვოსტი“ იტყობინება.

ყირიმელ თათართა ხალხის ტელეარხ ATR-ის შტურმი, რომელიც გუშინ ღამით იყო მოსალოდნელი, არ შედგა. ამის მიუხედავად, ტელევიზიის შტურმით აღების საშიშროება ამ დრომდე არსებობს.

საქართველოს განათლებისა და თავდაცვის ყოფილი მინისტრი, „რეფორმატორთა კლუბის“ დამაარსებელი დიმიტრი შაშკინი წერს, რომ დასავლეთმა ახლავე უნდა გადადგას სამი ნაბიჯი, რითაც „რუსეთს თავის ადგილზე დასვამს“.