2014-03-03 11:01

2 მარტს ანგელა მერკელსა და ვლადიმირ პუტინს შორის შემდგარი სატელეფონო საუბრისა და საუბრის შემდგომ განვითარებულ მოვლენებზე „ნიუ იორკ თაიმსი“ სტატიას აქვეყნებს.

გამოცემა წერს, რომ საუბრის დამთავრებისთანავე მერკელმა ბარაკ ობამას დაურეკა და უთხრა, რომ „ვლადიმირ პუტინი სულ სხვა სამყაროშია“. გამოცემა ასევე ანგელა მერკელს მიაწერს ფრაზას: „პუტინმა რეალობასთან კავშირი დაკარგა“.

მანამდე მედიაში გავრცელდა ინფორმაცია, რომ ვლადიმირ პუტინი დაეთანხმა ანგელა მერკელის წინადადებას უკრაინაშუი, კერძოდ, ყირიმში ეუთოს დამკვირვებელთა დაშვების შესახებ, თუმცა, მერკელი–პუტინის სატელეფონო საუბრის შემდეგ თეთრმა სახლმა თავის ვებგვერდზე გამოაქვეყნა განცხადება, რომ „დიდი რვიანის“ შვიდმა წევრმა შეაჩერა სოჭის სამიტისთვის დაგეგმილი მოსამზადებელი სამუშაოები.