კიევის მერმა მაკეენკომ მიიღო გადაწყვეტილება, მმართველი პარტია "რეგინები" დაეტოვებინა.

მან, ასევე, გასცა ბრძანება, გაეხსნათ კიევის ცენტრში დაკეტილი მეტროს სადგურები.

რადიო „თავისუფლება“ ავრცელებს კადრებს, სადაც „ბერკუტის“ რიგებში მყოფი სნაიპერული შაშხანით შეიარაღებული სპეცრაზმელი ჩანს.

ინტერნეტსივრცეში სულ უფრო მეტი მტკიცებულება ჩნდება იმის დასადასტურებლად, რომ სნაიპერები უკრაინის დედაქალაქში აქტივისტებს საბრძოლო ტყვიებით უსწორდებიან.

რადიო "თავისუფლება" კიევში სპეცდანიშნულების რაზმ "ბერკუტსა" და ევრომაიდნის ატივისტებს შორის შეტაკებების ამსახველ ვიდეომასალას ავრცელებს.

ევრომაიდნის აქტივისტმა სერგეი მორგუნოვმა „ფეისბუქზე“ შემზარავი კადრები გაავრცელა, სადაც ჩანს, როგორ ეცემა ტყვიით მოცელილი აქტივისტი. მორგუნოვის ცნობით, მისი გადაღცენა ვერ მოხერხდა.

შსს-ს ჯავშანტრანსპორტიორს, რომელიც ბარიკადების გატარნვას ცდილობდა, აქტივისტებმა „მოლოტოვის კოქტეილით“ ცეცხლი წაუკიდეს.

1960 წელს დაბადებულ საქართველოს მოქალაქის ზურაბ ხურციას ცხედარი, რომელიც კიევში, ინსტიტუტსკაიას ქუჩაზე იპოვეს, პროზექტურაშია გადატანილი.

კიევში, „რეგიონების“ პარტიის ოფისში გაჩენილი ხანძრის შედეგად ერთი ადამიანი დაიღუპა. უკრაინის თავდაცვის სამინისტრომ განცხადება გააკეთა, რომ ოფიცერთა სახლში შეჭრას უწყების რეაგირება მოჰყვება. კიევის ქუჩებში სისხლიანი დაპირიპსირება გრძელდება.

კიევის ქუჩებში სრული ქაოსია. თბილისის დროით 17:30 საათზე სამართალდამცველებთან შეტაკებას უკვე ემსხვერპლა სამი აქტივისტი, სიკვდილის მიზეზად ცეცხლსასროლი იარაღით მიყენებული ჭრილობები სახელდება. 7 ადამიანის მდგომარეობა მძიმეა. არიან დაჭრილები.

კიევის სამთავრობო კვარტალში შენობათა სახურავებზე სპეცრაზმის ეკიპირებით სნაიპერები გამოჩნდნენ. იარაღის სახეობის გარჩევა შეუძლებელია, თუმცა განცხადება იმის თაობაზე, რომ სახურავებზე სნაიპერები არიან, ოპოზიციის წარმომადგენლებმაც გააკეთეს.